KÍXNUU 11

Arathá ga̱jma̱a̱ gagi

Romanos 12:11

RÍ NAGÁJNURIYOʼ: Ataxkaxi̱i̱n bi̱ kuwa rudxawanʼ mu muni rí jmbu índo̱ naratá ga̱jma̱a̱ gagi.

Atani magajnúu asndu náa a̱jkia̱nʼ. Índo̱ xtaa ratani̱ rataminaʼ rí maraxnaxí, atatsaʼwáminaʼ rí gíʼdoo wéñuʼ numuu ajngáa rí gárata. Atatsínuʼ májánʼ rí majmaʼ, mu rí gárata magajnúu asndu náa a̱jkia̱nʼ.
Atatsaʼwáminaʼ tsíin xtáá raratún. Atatsaʼwáminaʼ xú káʼnii gambáñun eʼwíínʼ rí garasngáa ga̱jma̱a̱ rí gátra̱xnuu. Atayáá xú káʼnii garaxnaxii rí gárata mu manigu̱nʼ bi̱ gudxawanʼ.
Atani magiʼdoo numuu dí gáraxna. Arathá ga̱jma̱a̱ gagi. Atani ñawáanʼ ga̱jma̱a̱ atani makujmaa náa inaʼ rí naku̱ma̱ʼ rí xtaa raratá.

Tsumáá gátani, mu xátani jngawiin bi̱ kuwa rudxawanʼ, xátani kikháá ñawáanʼ. Atani ñawáanʼ xóo phú nindxu̱u̱ rí xtaa raratá. Atasngájma rí nadxaaʼ itháan índo̱ narasngáa rí gíʼdoo numuu ga̱jma̱a̱ índo̱ nataxkajxi̱i̱n bi̱ kuwa rudxawanʼ mugi̱ʼ muni. Á mu nanújngoo eratá maʼgínʼ bi̱ kuwa rudxawanʼ.