మంచి చెడుల విషయంలో యెహోవా ప్రమాణాలను ఉన్నతపర్చండి

యెహోవా దేవుడు మనుషులకు నీతి నియమాలను పెడతాడు. ఉదాహరణకు పెళ్లి ఒక పురుషుడికి, స్త్రీకి మధ్య శాశ్వతంగా ఉండాల్సిన బంధం అనే నియమాన్ని ఆయన పెట్టాడు. (మత్త 19:4-6, 9) ఆయన అన్ని రకాల లైంగిక తప్పులను ఖండిస్తాడు. (1 కొరిం 6:9, 10) బట్టలు వేసుకోవడం, తల దువ్వుకోవడం లాంటి విషయాల్లో కూడా ఆయన ప్రజలకు ప్రత్యేకమైన నియమాలు ఇస్తాడు.—ద్వితీ 22:5; 1 తిమో 2:9, 10.

ఈ రోజుల్లో చాలామంది యెహోవా ప్రమాణాలను తిరస్కరిస్తున్నారు. (రోమా 1:18-32) తయారయ్యే విధానం, హెయిర్‌ స్టైల్‌, బట్టలు, ప్రవర్తన వంటి విషయాల్లో అందరూ ఎలా ఉంటే అలా ఉండాలని అనుకుంటున్నారు. చాలామంది వాళ్లు చేసే తప్పుల్ని చాలా గొప్పగా చెప్పుకుంటారు. అలా కాకుండా వేరుగా ఉండేవాళ్లను విమర్శిస్తుంటారు.—1 పేతు 4:3, 4.

యెహోవాసాక్షులుగా మనం దేవుని నైతిక ప్రమాణాలకు ధైర్యంగా కట్టుబడి ఉండాలి. (రోమా 12:9) ఎలా? ఆయనకు ఇష్టమైనదేదో తెలిపే విషయంలో నేర్పుగా ఉండాలి. అదే సమయంలో మన జీవితంలో ఆయన ఉన్నత ప్రమాణాలను చూపించాలి. ఉదాహరణకు ఏ డ్రస్‌ వేసుకోవాలో చూసుకుంటున్నప్పుడు లేదా రెడీ అవుతున్నప్పుడు మనం ఇలా ప్రశ్నించుకోవచ్చు: ‘నేను తీసుకునే నిర్ణయాలు లోకానికి తగ్గట్లుగా ఉన్నాయా లేదా యెహోవా ప్రమాణాలకు తగ్గట్టుగా ఉన్నాయా? నేను వేసుకునే బట్టలు తయారయ్యే విధానం నన్ను దేవునికి భయపడే క్రైస్తవునిగా చూపిస్తున్నాయా?’ ఏదైనా సినిమా కానీ ప్రోగ్రామ్‌ గానీ చూడాలనుకున్నప్పుడు ఇలా ప్రశ్నించుకోవచ్చు: ‘దీనిని చూస్తే యెహోవా ఒప్పుకుంటాడా? అందులో ఉన్న నైతిక ప్రమాణాలు ఎవరికి తగ్గట్లుగా ఉన్నాయి? నేను ఎంచుకునే వినోద కార్యక్రమాలు నీతిగా ఉండడానికి అడ్డుపడుతున్నాయా? (కీర్త 101:3) ఆ వినోదం నా కుటుంబ సభ్యులకు గానీ ఇతరులకు గానీ అభ్యంతరాన్ని లేదా ఇబ్బందిని కలిగిస్తుందా?’—1 కొరిం 10:31-33.

యెహోవా నియమాలకు కట్టుబడి ఉండడం ఎందుకు చాలా ముఖ్యం? యేసుక్రీస్తు త్వరలో దేశాలన్నిటినీ చెడ్డవాళ్లందరినీ నాశనం చేస్తాడు. (యెహె 9:4-7) దేవుని చిత్తం చేసేవాళ్లు మాత్రమే మిగిలి ఉంటారు. (1 యోహా 2:15-17) కాబట్టి మనం యెహోవా పెట్టిన నైతిక ప్రమాణాల వైపు స్థిరంగా ఉందాం, అప్పుడు మన మంచి ప్రవర్తనను చూసేవాళ్లందరూ దేవున్ని మహిమ పరుస్తారు.—1 పేతు 2:11, 12.

యెహోవా స్నేహితులవ్వండి—ఒక పురుషుడు, ఒక స్త్రీ వీడియో చూసి, ఆ తర్వాత ఈ ప్రశ్నలకు జవాబులు చూడండి:

• యెహోవా నియమాలకు తగ్గట్లుగా జీవించడం ఎందుకు తెలివైన పని?

• తల్లిదండ్రులు పిల్లలకు యెహోవా ప్రమాణాలను నేర్పించడం చిన్నప్పటి నుండే ఎందుకు మొదలుపెట్టాలి?

• దేవుని మంచితనం నుండి ప్రయోజనం పొందేలా పెద్దవాళ్లైనా, చిన్నవాళ్లైనా ఇతరులకు ఎలా సహాయం చేయవచ్చు?