Забур

 3 Бешак, касоне, ки ба ту умед мебанданд, шарманда намешаванд,+

Лекин онҳоеро, ки бесабаб хиёнат кардаанд, шармандагӣ дар пеш аст.+

 4 Роҳҳоятро ба ман маълум соз, эй Яҳува,+

Пайраҳаҳоятро ба ман биомӯз.+

 5 Маро дар роҳи ростат раҳнамо бош,+

Омӯзгори ман бош, зеро ту Худои наҷоти манӣ.

 6 Раҳмдилӣ ва меҳру вафоятро ба хотир ор, эй Яҳува,+

Сифатҳоеро, ки аз азал дорӣ.+

Маро аз рӯйи меҳру вафоят ба ёд ор,+

Ба хотири некуият, эй Яҳува.+

 8 Яҳува неку ва росткор аст,+

Аз ин рӯ ӯ ба хатокорон роҳ нишон медиҳад.+

 9 Ӯ нармдилонро* ба роҳи рост ҳидоят мекунад+

Ва ба онҳо роҳҳояшро таълим медиҳад.+

10 Касонеро, ки аҳду+ ёдовариҳои+ Яҳуваро риоя менамоянд,

Ӯ бо меҳру вафо роҳнамоӣ мекунад.

11 Ба хотири номат, эй Яҳува,+

Хатои маро бубахш, ҳарчанд он азим аст.

13 Ҷони ӯ аз некуӣ баҳра мебарад+

Ва наслаш заминро соҳиб мешавад.+

14 Яҳува бо тарсгорони худ ҳамроз* аст,+

Ӯ аҳдашро ба онҳо маълум месозад.+

15 Чашмонам доимо сӯйи Яҳува нигаронанд,+

Ӯ поямро аз дом раҳо мекунад.+

16 Ба ман назар кун ва лутф намо,

Зеро ман танҳо ва бечора ҳастам.

17 Андуҳи дилам зиёд шудааст,+

Маро аз банди ғам халос кун.

18 Дарду азобамро бубин+

Ва аз тамоми гуноҳҳоям гузар.+

19 Бубин, ки душманонам чӣ қадар зиёданд,

Онҳо маро чашми дидан надоранд.

21 Бигзор беайбӣ ва росткорӣ нигаҳбони ман бошанд,+

Зеро ба ту умед бастаам.+