2 Воқеанома
22 Пас аз ин сокинони Ерусалим писари хурдии Еҳуром, Аҳазёро, ба ҷойи ӯ подшоҳ карданд, зеро дастаҳои ғоратгароне, ки ҳамроҳи арабҳо ба урдугоҳ омада буданд, ҳамаи писарони калониашро куштанд.+ Ҳамин тавр, Аҳазёи писари Еҳуром подшоҳи Яҳудо шуда ҳукмрониро сар кард.+ 2 Аҳазё дар вақти подшоҳ шуданаш 22-сола буд ва як сол дар Ерусалим ҳукмронӣ кард. Модари ӯ Аталёи+ набераи* Омрӣ+ буд.
3 Аҳазё низ ба хонадони Аҳъоб пайравӣ кард,+ зеро модараш дар корҳои бад маслиҳатгари ӯ буд. 4 Ӯ мисли хонадони Аҳъоб он чиро, ки дар назари Яҳува бад буд, ба амал меовард, зеро баъди сари падараш онҳо маслиҳатгари ӯ буданд, ва оқибат сабаби маргаш шуданд. 5 Ӯ ба маслиҳати онҳо гӯш дод ва бо Еҳуроми писари Аҳъоби шоҳи Исроил ба Ромӯт-Ҷилъод+ равона шуд, то бо Ҳазоили+ шоҳи Арам биҷангад. Дар он ҷо тирандозон Еҳуромро захмдор карданд. 6 Еҳуром ба Изреъил+ баргашт, то захмҳое, ки дар Ромо, ҳангоми бо Ҳазоили шоҳи Арам ҷангидан,+ ба ӯ расонда буданд, шифо ёбад.
Аҳазёи* писари Еҳуроми+ шоҳи Яҳудо ба хабаргирии Еҳуроми+ писари Аҳъоб ба Изреъил омад, чунки вай захмдор шуда буд*.+ 7 Аҳазё ба назди Еҳуром рафт ва Худо бо ин роҳ ӯро ба ҳалокат расонд. Аҳазё омада, ҳамроҳи Еҳуром ба пешвози Еҳуи+ набераи* Нимшӣ, ки Яҳува ӯро барои нобуд сохтани хонадони Аҳъоб таъйин* карда буд, баромад.+ 8 Вақте ки Еҳу хонадони Аҳъобро ҷазо медод, мирони Яҳудо ва бародарзодагони Аҳазёро, ки ходимонаш буданд, дида, ба қатл расонд.+ 9 Пас аз ин ӯ аз пайи Аҳазё шуд. Ӯро дар Сомария, ки он ҷо пинҳон буд, дастгир карда, ба назди Еҳу оварданд ва баъд куштанд. Онҳо ӯро гӯронданд,+ зеро гуфтанд: «Ӯ набераи Еҳушофот аст, ки бо тамоми дили худ Яҳуваро ҷӯё буд».+ Ҳамин тавр, дар хонадони Аҳазё касе боқӣ намонд, ки қудрати ҳукмронӣ карданро дошта бошад.
10 Вақте Аталё,+ модари Аҳазё, дид, ки писараш мурд, хеста, дар хонадони Яҳудо тамоми насли шоҳро нест кард.+ 11 Вале Еҳушобаъ, ки духтари подшоҳ буд, Еҳуоши+ писари Аҳазёро аз миёни шоҳзодагон, ки бояд кушта мешуданд, дуздида, ҳамроҳи дояаш дар хонаи хоби дарунӣ пинҳон кард. Еҳушобаи духтари шоҳ Еҳуром,+ ки зани Еҳуёдои+ коҳин ва хоҳари Аҳазё буд, ӯро аз чашми Аталё пинҳон медошт, то ӯро накушад.+ 12 Еҳуош шаш сол бо онҳо ва дар хонаи Худо пинҳон мемонд, дар сурате ки Аталё бар мамлакат ҳукмронӣ мекард.