Омӯзиши Китоби Муқаддас тавассути китоби «Муҳаббати Худо»
1. Мақсади китоби «Муҳаббати Худо» дар чист?
1 Дар анҷумани вилоятии «Моро рӯҳулқудси Худо ҳидоят менамояд», мо аз шунидани нашри китоби «Худро дар муҳаббати Худо нигоҳ доред» хеле хурсанд гаштем! Тавре ки дар анҷуман гуфта шуд, мақсади ин адабиёт на ин ки одамонро бо таълимотҳои асосии Китоби Муқаддас шинос кардан, балки ба мо барои донистану дӯст доштани меъёрҳои ахлоқии Яҳува кӯмак расондан аст. Мо ин китобро ҳангоми мавъизаи хона ба хона пешкаш нахоҳем кард.
2. Чӣ гуна мо ин китобро истифода хоҳем бурд ва бо кӣ аз рӯи он омӯзиш хоҳем гузаронд?
2 Ин нашриёт китоби дуюм хоҳад буд, ки онро бо омӯзанда баъди тамом кардани китоби «Таълимот» бояд сар кард. Дар хотир бояд дошт, ки на ҳамаи омӯзандагон инкишофи рӯҳониашон якхела аст. Дар вақти ҳар як омӯзиш ҳамон ҳаҷми мавзӯъро гузаред, ки омӯзанда онро аз худ карда тавонад ва боварӣ ҳосил намоед, ки омӯзанда мавзӯи гузаштаро хуб аз худ кардааст. Аксаран бо шахсоне, ки аллакай аз рӯи якчанд китобҳои таълимӣ омӯзиш кардаанд, вале ба ҷамъомад намеоянд ва мувофиқи меъёрҳои Китоби Муқаддас амал кардан намехоҳанд, аз рӯи ин китоб набояд омӯзиши Китоби Муқаддас гузаронд.
3. Агар китоби «Муҳаббати Худо» дастрас бошаду мо аз рӯи китоби «Ибодат ба Худо» омӯзиш гузаронда истода бошем, чӣ бояд кард
3 Агар шумо бо омӯзанда, китоби «Ибодат ба Худо»-ро омӯзиш карда, ба бобҳои охири он омада бошед, метавонед омӯзишро давом дода, омӯзандаро барангезед, ки ӯ худ китоби «Муҳаббати Худо»-ро (агар ин китоб ба забони шумо дастрас бошад) мустақилона хонад. Аз ҷиҳати дигар, хеле хуб мебуд, ки шумо ба китоби нав гузашта, аз аввали он сар кунед. Ба монанди омӯзиш бо китоби «Таълимот», гузаштан ё нагузаштани маълумоти дар Замима омадаро худатон муайян хоҳед кард.
4. Агар омӯзанда пеш аз тамом кардани китоби «Таълимот» ва «Муҳаббати Худо» таъмид гирад, чӣ бояд кард?
4 Агар омӯзанда пеш аз тамом кардани китоби дуюм таъмид гирад, омӯзишро бояд аз рӯи китоби «Муҳаббати Худо» давом дод. Ҳатто, агар омӯзанда таъмид гирифта бошад ҳам, шумо метавонед вақт, боздид ва омӯзишро дар ҳисоботатон нависед. Инчунин воизе, ки дар гузарондани омӯзиш кӯмак мерасонад, метавонад дар ҳисоботаш вақти омӯзишро нависад.
5. Чӣ тавр китоби «Муҳаббати Худо» ба онҳое ки дар хидмат суст шудаанд, кӯмак мекунад?
5 Яке аз аъзоёни кумитаи хидматии ҷамъомад метавонад аз шумо хоҳиш кунад, ки бо шахси ғайрифаъол бобҳои алоҳидаи китоби «Муҳаббати Худо»-ро муҳокима кунед. Чунин омӯзишҳоро муддати дароз давом додан лозим нест. Бигзор ин китоби нав ба мо кӯмак расонад, то худро «дар муҳаббати Худо» нигоҳ дорем! (Яҳд. 21)