«Шоҳидони Яҳува — имон дар амал, қисми 2: Бигзор нур бидурахшад»
Баъд аз он ки соли 1919 бародар Рутерфорд ва ҳамфикронаш аз маҳбас озод шуданд, Тадқиқотчиёни Китоби Муқаддас бояд кори бениҳоят калони дар пеш бударо иҷро мекарданд. Чӣ тавре ки дар филми «Шоҳидони Яҳува — имон дар амал, қисми 2: Бигзор нур бидурахшад» тасвир шудааст, Тадқиқотчиён бояд бо мухолифат рӯ ба рӯ мешуданд, ҳамчунин бояд фаҳмишашон оиди Китоби Муқаддас чуқуртар мегашту имонашон аз озмоишҳои зиёд мегузашт (Мас. 4:18; Мал. 3:1–3; Юҳ. 15:20). Ҳоло биёед ин филмро ба воситаи саволу ҷавоб муҳокима кунем.
1) Бо кадом роҳҳо Тадқиқотчиёни Китоби Муқаддас хушхабарро паҳн мекарданд? 2) Дар анҷуманҳои махсуси солҳои 1931 ва 1935 чӣ эълон карда шуда буд? 3) Дар мақолаи «Бурҷи дидбонӣ» аз 1-уми ноябри соли 1939 кадом мавзӯи муҳиме муҳокима шуда буд? 4) Нақл кунед, ки ҳангоми дар Медисон Сквея Гаден бо нутқи «Ҳокимият ва осоиштагӣ» баромад кардани бародар Рутерфорд чӣ рӯй дод? 5) Барои чӣ нутқи бародар Норр бо номи «Сулҳ — оё он бардавом хоҳад буд?» махсусан ҷолиби диққат буд? 6) Соли 1942 Шоҳидони Яҳува барои васеъ кардани доираи мавъизаашон кадом корҳоро ба нақша гирифтанд? 7) Дар бораи баъзе аз мурофиаҳои судие, ки дар Иёлоти Муттаҳида, Канада ва Юнон барпо шуда буданд, нақл кунед. 8) Чӣ тавр мактаби Ҷилъод ба бештар паҳн гаштани хушхабар мусоидат кард? 9) Соли 1946 кадом кори муҳим оғоз карда шуд ва барои чӣ ин кор лозим буд? 10) Шоҳидони Яҳува барои боварӣ ҳосил кардан дар он, ки рафторашон ба Каломи Худо мувофиқат мекунад кадом қадамҳоро гузоштанд? 11) Солҳои 1970 кадом ислоҳотҳо дароварда шуданд, то ки созмони Яҳува ба намунаи дар Китоби Муқаддас гузошта шуда, ҳар чи бештар мувофиқат кунад? 12) Чӣ тавр тамошои ин филм боварии шуморо зиёдтар кард, ки ташкилотро худи Яҳува роҳбарӣ мекунад ва ҳамаи чиз зери назорати Ӯ қарор дорад? 13) Чӣ дар ин филм шуморо барангехт, ки ба муқобилат нигоҳ накарда, бо ҷидду ҷаҳд мавъиза карданро давом диҳед? 14) Чӣ тавр аз ин филм истифода бурда, метавонем ба хешовандон, омӯзандагони Китоби Муқаддас ва дигарон ёрӣ диҳем?
Ҳар рӯзе ки паси сар мешавад, ба таърихи Шоҳидони Яҳува як саҳифаи наверо ҳамроҳ мекунад. Дар ин саҳифаҳои таърихи халқи Худо оиди кӯшишу ғайрате, ки мо дар хизмат мекунем, чӣ навишта хоҳад шуд? Биёед мисли бародароне, ки пеш аз мо зиндагӣ мекарданд, тамоми ҷидду ҷаҳди худро ба он равона кунем, ки ҳар чи бештар «нур бидурахшад»! (2 Қӯр. 4:6).