Аз оятҳои монанд истифода баред

Аз оятҳои монанд дар «Китоби Муқаддас — Тарҷумаи Дунёи Нав» ҳамоҳангии Каломро дидан мумкин. Аз онҳо маълумоти иловагиро дар бораи ин ё он оят пайдо мекунем. Ҳарфи хурде, ки дар ояте баъди ягон калима истодааст, нишон медиҳад, ки дар Китоби Муқаддас оятҳои ба ин монанд ҳаст. Агар шумо Китоби Муқаддаси қоғазӣ дошта бошед, дар болои баъзе калимаҳо ҳарфҳоро мебинед. Дар ҳошияҳои матн бошад, навишта шудааст, ки он ҳарфҳо ба кадом оятҳо ишора мекунанд. Лекин, агар Китоби Муқаддасро аз сомонаи jw.org ё барномаи JW Library^® хонед, ҳарфро зер кунед, оятҳои иловагӣ пайдо мешаванд.

Аз оятҳои монанд шумо маълумоти зеринро пайдо мекунед:

Маълумоти иловагӣ: Ишора нишон медиҳад, ки боз аз куҷои Китоби Муқаддас дар бораи ин воқеа хондан мумкин. Масалан, ба 2 Подшоҳон 24:1 ва 1 Воқеанома 21:1 нигаред.

Иқтибос: Ишора нишон медиҳад, ки ягон сухан аз кадом қисми Китоби Муқаддас гирифта шудааст. Масалан, ба Матто 4:4 ва 5 Мӯсо 8:3 нигаред.

Пешгӯйиҳое, ки иҷро шуданд: Ишора пешгӯйиро бо иҷрошавияш пайваст мекунад. Масалан, ба Матто 21:5 ва Закарё 9:9 нигаред.