Маъракаи махсус! Аз 20-уми октябр то 16-уми ноябр.
1 Рӯзи душанбе, аз 20-уми октябр сар карда, дар давоми чор ҳафта мо дар тақсимкунии рисолаи нави «Оё шумо мехостед, ки ҳақиқатро бидонед?» иштирок хоҳем кард. Умедворем, ки ин маъракаи махсус боз ҳам бештари одамонро ба сарчашмаи ягонаи ҳақиқат шавқманд хоҳад гардонд (Юҳ. 17:17).
2 Ин рисола аз Китоби Муқаддас ба шаш саволи муҳим, ҷавобҳои дақиқ медиҳад: «Оё Худо моро дӯст медорад?», «Оё ҷангҳо ва ранҷу азоб ягон вақт хотима меёбанд?», «Ҳангоми марг бо мо чӣ рӯй медиҳад?», «Оё барои мурдагон ягон умеде вуҷуд дорад?», «Чӣ тавр дуо гӯем, то Худо моро бишнавад?» ва «Чӣ тавр хушбахтии ҳаётро биёбем?». Калисоҳои ҷаҳони масеҳият, ба ин саволҳо ҷавобҳои қонеъкунанда дода натавонистанд. Ҳамчунин онҳое, ки масеҳӣ нестанд мехостанд, ки ҷавоби чунин саволҳоро донанд, вале онҳо намедонанд, ки ҷавобҳои равшан дар Китоби Муқаддас ҷой доранд. Барои ҳамин, ин рисола ҷолиби диққати ҳамагон хоҳад буд.
3 Дар маҳаллатон пурра мавъиза намоед. Кӯшиш кунед, ки дар ҳар чӣ бештари маҳаллҳои минтақаатон мавъиза кунед. Агар минтақаи ҷамъомад калон бошад, пирон метавонанд қарор кунанд, ки воизон рисоларо ҳангоми ташрифи аввал ҳатто дар хонаҳое, ки касе набуд, монанд. Ҳамчунин ба ҳамсоягон, хешовандон ва ҳамкорону ҳамсинфон ё онҳоеро, ки доимо боздид мекунед, додани рисоларо фаромӯш насозед. Шояд шумо корҳоятонро тавре ба тартиб меоваред, ки дар моҳҳои октябр ё ноябр чун пешрави ёвар хидмат кунед. Агар фарзандатон ё шахсе, ки бо ӯ омӯзиши Китоби Муқаддас мегузаронед, пешрафти рӯҳонӣ карда бошад ва дар ин маърака чун воизи таъмиднаёфта иштирок карда тавонад, оиди ин ба пирон хабар диҳед.
4 Чӣ бояд гуфт. Барои он ки ин паёмро боз ҳам бештари одамон шунаванд, хуб мебуд, ки пешниҳодамон кӯтоҳ бошад. Ба шахс яке аз шаш саволи саҳифаи аввалро диҳед ва диққати ӯро ба ҷавобе, ки дар ин рисола омадааст, равона созед. Чунин амал ба ҳамаи воизон имкон медиҳад, ки пешниҳодоташонро ба ниёзҳои маҳалли худ мувофиқ созанд. Агар ягон кас рағбат пайдо кунад оиди ин дар дафтаратон қайд намуда, ӯро боздид кунед. Рӯзҳои истироҳат бошад, рисоларо метавонед бо маҷаллаҳо пешниҳод намоед. 16-уми ноябр, баъди ба охир расидани маърака, мо китоби «Таълимот»-ро пешниҳод хоҳем кард. Рисолаҳои боқимонда бошад, чун дигар рисолаҳо тақсим карда хоҳанд шуд.
5 Омӯзиши Китоби Муқаддасро сар кунед. Ин рисола махсусан барои сар кардани омӯзиши Китоби Муқаддас омода гардидааст. Ҳангоми боздид, шумо метавонед аз шахсе, ки рағбат пайдо кардааст, бипурсед: кадом фикр аз Китоби Муқаддас ба шумо тасалливу осудагӣ бахшид? Диққатро ба саҳифаи охир равона созед, ки дар он оиди тарзи гузаштани омӯзиши Китоби Муқаддас зикр шудааст ва ба ӯ китоби «Таълимот»-ро диҳед. Агар имкон бошад, бо ӯ як ё ду сархати боберо муҳокима намоед, ки дар он оиди мавзӯи интихобкардааш маълумоти бештар оварда шудааст.
6 Яҳува шахсонеро меҷӯяд, ки Ӯро дар «рӯҳ ва ростӣ» парастиш мекунанд (Юҳ. 4:23). Биёед ҳар яки мо дар ин маъракаи махсус иштирок намуда, ба дигарон дар донистани ҳақиқат кӯмак расонем!