Чӣ тавр омӯзандаи боғайрати Китоби Муқаддас шавам?

Оё мехоҳед чун Дониёл-пайғамбар дар озмоишҳо ба Яҳува содиқ монед? Дониёл Каломи Худоро бодиққат меомӯхт, аз он ҷумла пешгӯйиҳои душворро (Дн 9:2). Бодиққат омӯзиш кардани Китоби Муқаддас ба шумо ёрдам мекунад, ки ба Худо содиқ монед. Чӣ тавр? Он метавонад имони шуморо ба ваъдаҳои Яҳува мустаҳкам кунад (Еҳ 23:14). Ҳамчунин он ёрдам мекунад, ки муҳаббататон ба Худо зиёдтар гардад ва ин муҳаббат шуморо бармеангезад, ки дуруст рафтор кунед (Зб 96:10). Вале аз чӣ бояд сар кард? Биёед баъзе маслиҳатҳоро дида мебароем.

• Чиро бояд омӯзам? Реҷаи хуби омӯзишӣ тайёрӣ ба вохӯриҳои ҷамъомадро дар бар мегирад. Хониши ҳарҳафтаинаи Китоби Муқаддас ҳамон вақт фоидабахш мешавад, ки, агар барои тадқиқ кардани оятҳои нафаҳмидаатон вақт ҷудо кунед. Ғайр аз ин, баъзеҳо барои омӯзиш пешгӯйиҳои Китоби Муқаддас, ҷиҳатҳои гуногуни самари рӯҳ, сафари миссионерии Павлус ё ҳатто офаридаҳои Яҳуваро интихоб мекунанд. Агар дар давоми рӯз ягон савол пайдо шавад, онро нависед ва дар омӯзиши навбатӣ онро дида бароед.

• Маълумотро аз куҷо ёфта метавонам? Дар видеонавори «Мавод барои ҷустуҷӯйи ганҷҳои рӯҳонӣ» маслиҳатҳои хуб дода шудааст. Масалан, шумо метавонед муайян кунед, ки ҳайвонҳои дар боби 7-уми китоби Дониёл овардашуда кадом давлатҳои абарқудрати ҷаҳониро тасвир мекунанд.

• Барои омӯзиш чӣ қадар вақт ҷудо кунам? Сирри нигоҳ доштани саломатии рӯҳонӣ ин мунтазам омӯзиш кардан аст. Дар аввал шояд шумо барои омӯзиш вақти камтаре ҷудо мекунед ва оҳиста-оҳиста ин вақтро зиёдтар кардан мегиред. Омӯзиши Каломи Худо ба ҷустуҷӯйи ганҷҳо монанд аст; ҳарчи бисёртар ганҷ ёбӣ, ҳамон қадар хоҳиши кофтан бисёртар мешавад (Мс 2:3–6). Дар натиҷа муҳаббати шумо ба Каломи Худо меафзояд ва мунтазам омӯхтани он ба шумо одат мешавад (1Пт 2:2).

ҲАЙВОНҲОИ ДАР БОБИ 7-УМИ ДОНИЁЛ ОВАРДАШУДА ЧИРО ТАСВИР МЕКУНАНД?

• Дн 7:4

• Дн 7:5

• Дн 7:6

• Дн 7:7

САВОЛИ ИЛОВАГӢ:

Чӣ тавр Дониёл 7:8, 24 иҷро шуд?

НАҚШАИ ОЯНДА:

Ҳайвонҳои дар боби 13-уми Ваҳй овардашуда чиро тасвир мекунанд?