Чӣ тавр дини дурӯғ номи Худоро доғдор мекунад?

Агар Худо саропо муҳаббат бошад, чаро диндорон, ки худро худодону худопараст меҳисобанд, ба корҳои бад даст мезананд? Сабаб он аст, ки динҳое, ки онҳо пайравӣ мекунанд, ҳақиқӣ нестанд ва номи Худоро доғдор мекунанд. Чӣ тавр ин динҳо Худоро бадном месозанд? Назари Худо ба чунин динҳо чӣ гуна аст ва ӯ бо онҳо чӣ кор мекунад?

1. Чӣ тавр таълимоти дини дурӯғ одамонро аз Худо дур мекунад?

Динҳои дурӯғ «ростии Худоро ба дурӯғ иваз карданд» (Румиён 1:25). Мисол, аксари роҳбарони дин ба пайравони худ дар бораи номи Худо гап намезананд, ҳол он ки дар Китоби Муқаддас гуфта шудааст, ки мо бояд номи Худоро донем ва онро ба забон гирем (Румиён 10:13, 14). Инчунин, вақте ягон нохушӣ рӯй медиҳад, баъзе роҳбарони дин мегӯянд, ки ин хости Худост. Лекин ин дурӯғи маҳз аст! Аз Худо ҳеҷ гоҳ бадӣ сар намезанад. (Яъқуб 1:13-ро хонед.) Сад афсӯс ки, таълимоти дини дурӯғ одамонро аз Худо дур мекунад.

2. Чӣ тавр амалҳои пайравони дини дурӯғ одамонро аз Худо дур мекунанд?

Роҳбарони дини дурӯғ ба одамон мисли Яҳува муносибат намекунанд. Китоби Муқаддас дар бораи дини дурӯғ чунин мегӯяд: «Гуноҳҳои вай ҷамъ шуда, то худи осмон расидаанд» (Ошкорсозӣ 18:5). Асрҳо боз пайравони динҳои дурӯғ пайваста ба сиёсат дахолат мекунанд, ҷангҳоро дастгирӣ менамоянд ва сабаби марги миллионҳо нафар мегарданд. Баъзе сарварони дин барои маишати худ аз пайравонашон пул ҷамъ карда, ҳаёти шоҳона ба сар мебаранд. Ин корҳояшон нишон медиҳад, ки онҳо дар асл Худоро намешиносанд ва ҳақ надоранд, ки аз номи ӯ гап зананд. (1 Юҳанно 4:8-ро хонед.)

3. Назари Худо ба дини дурӯғ чӣ гуна аст?

Як фикр кунед: агар корҳои дини дурӯғ шуморо ба ғазаб оранд, пас, Яҳуваро чӣ қадар ба ғазаб меоранд?! Худо одамонро дӯст медорад, вале аз роҳбарони дин, ки номи ӯро сиёҳ мекунанду ба пайравонашон муносибати бад доранд, дар ғазаб аст. Яҳува ваъда медиҳад, ки ба наздикӣ дини дурӯғро нест мекунад ва он «дигар ёфт намегардад» (Ошкорсозӣ 18:8, 21).

БЕШТАР ФАҲМЕД

4. Ба Яҳува на ҳамаи динҳо писанданд

Бисёр одамон бовар доранд, ки ҳамаи динҳо сӯйи Худо мебаранд. Оё ин дуруст аст? Матто 7:13, 14-ро хонед, сипас якҷоя саволи зеринро дида бароед:

• Дар Китоби Муқаддас дар бораи роҳе, ки сӯйи ҳаёт мебарад, чӣ гуфта шудааст?

ВИДЕОРО тамошо кунед, сипас ба савол ҷавоб диҳед.

ВИДЕО: «Оё ба Худо ҳамаи динҳо писанданд?» (порча) (3:22)

• Оё дар Китоби Муқаддас гуфта шудааст, ки Худо ҳамаи динҳоро маъқул медонад?

5. Дар рафтори пайравони дини дурӯғ муҳаббат дида намешавад

Роҳбарони дин бо роҳҳои гуногун Худоро бадном месозанд. Аз ҳама кори бадашон ин аст, ки онҳо ҷангҳоро дастгирӣ мекунанд. ВИДЕОРО тамошо кунед, сипас саволҳои зеринро дида бароед:

ВИДЕО: «Саҳми роҳбарони дин дар Ҷанги Дуюми Ҷаҳон» (2:22)

• Ҳангоми Ҷанги Дуюми Ҷаҳон бисёр роҳбарони дин чӣ кор карданд?

• Шумо дар бораи рафтори онҳо чӣ фикр доред?

Юҳанно 13:34, 35 ва 17:16-ро хонед, сипас якҷоя саволҳои зеринро дида бароед:

• Вақте роҳбарони дин ҷангҳоро тарафдорӣ мекунанд, Яҳува чӣ ҳис мекунад?

• Бисёр корҳои бад аз пушти дини дурӯғ сар мезананд. Ба ақидаи шумо, чӣ нишон медиҳад, ки дар кирдори пайравони дини дурӯғ муҳаббат дида намешавад?

6. Худо мехоҳад, ки одамон аз чанголи дини дурӯғ халос шаванд

Ошкорсозӣ 18:4-ро хонедa, сипас ба саволи зерин ҷавоб диҳед:

• Вақте шумо фаҳмидед, ки Худо одамонро аз банди дини дурӯғ озод карданӣ аст, ин ба шумо чӣ хел таъсир кард?

7. Минбаъд низ дар бораи Худо дониш гиред

Оё корҳои дини дурӯғ дили шуморо аз Худо хунук мекунад? Писари гапногиреро тасаввур кунед, ки насиҳати падарашро гӯш намекунад. Ӯ аз хона баромада меравад ва ба корҳои бад даст мезанад. Магар барои ин корҳои писар падарро, ки аз рафтори писараш розӣ нест, гунаҳкор кардан аз рӯйи адолат аст?

• Оё барои корҳои бади дини дурӯғ Яҳуваро айбдор кардан аз рӯйи адолат аст? Оё дуруст мешавад, ки аз пушти бадкории пайравони дини дурӯғ аз дониши Худо даст кашем?

ФИКРҲОИ АСОСӢ

Таълимот ва амалҳои нафратовари дини дурӯғ Худоро бадном мекунанд. Худо дар оянда дини дурӯғро несту нобуд мекунад.

Такрор

• Шумо дар бораи таълимот ва амалҳои дини дурӯғ чӣ ақида доред?

• Назари Яҳува ба дини дурӯғ чӣ гуна аст?

• Худо бо дини дурӯғ чӣ кор мекунад?

ДИДА БАРОЕД

Фаҳмед, ки Яҳува аз кадом корҳои дини дурӯғ норозӣ аст.

«Оё ҳамаи динҳо сӯйи Худо мебаранд?» (Мақола аз сомона)

Чаро Яҳува мехоҳад, ки мо ӯро ҳамроҳи дигарон парастиш кунем?

«Оё ба ягон ташкилоти динӣ тааллуқ доштан шарт аст?» (Мақола аз сомона)

Коҳине ба зиддият нигоҳ накарда дар бораи Худо дониш гирифт.

«Чаро коҳине калисоро тарк кард?» («Бедор шавед!», феврали с. 2015)

Фаҳмед, ки тӯли асрҳо роҳбарони дин бо кадом таълимоти дурӯғ Худоро золиму бепарво нишон медоданд.

«Дурӯғҳое, ки Худоро бадном мекунанд» («Бурҷи дидбонӣ», 1 ноябри с. 2013)