Gusto Mo Bang Subukan Nang Isang Taon?

Ang ano? Mag-regular pioneer! Marami kang matatanggap na pagpapala! —Kaw 10:22.

KUNG PAYUNIR KA, . . .

• magiging mahusay kang ebanghelisador at lalo kang mag-eenjoy sa ministeryo

• titibay ang kaugnayan mo kay Jehova. Habang sinasabi mo sa iba ang tungkol kay Jehova, lalo mong naaalaala ang kahanga-hangang mga katangian niya

• masisiyahan ka dahil mas inuuna mo ang kapakanan ng Kaharian kaysa sa iyong sarili at matutuwa ka dahil nagsasakripisyo ka para sa iba.—Mat 6:33; Gaw 20:35

• makadadalo ka sa miting ng mga payunir sa panahon ng dalaw ng tagapangasiwa ng sirkito, sa pantanging miting kaugnay ng pansirkitong asamblea, at sa Pioneer Service School

• mas marami kang pagkakataong magkaroon ng mga Bible study

• mas marami kang panahong makasama ang mga kapuwa mo mángangarál, at magpatibayan sa isa’t isa.—Ro 1:11, 12