Maghanda Para sa Gawain sa Magasin sa Abril

Gaya ng ipinakikita sa ating 1996 Calendar, ang Hapunan ng Panginoon ay ipagdiriwang sa taóng ito sa Abril 2. Dahilan sa kasiglahang idinudulot ng dakilang okasyong ito, hayaang makisama ang lahat sa masigasig na pamamahagi ng magasin sa buong Abril. Tunay na napapanahong mga magasin ang gagamitin natin! Ang Bantayan para sa Abril 1 ay magtutuon ng pansin sa pahayag pangmadla sa nakaraang taóng pandistritong kombensiyon na, “Purihin ang Haring Walang-Hanggan!” Ang Abril 15 ng Bantayan ay gagamit ng tema ng pantanging pahayag pangmadla nang nakaraang Abril na, “Malapit na ang Wakas ng Huwad na Relihiyon.” At ang pantanging pahayag sa taóng ito sa Abril 21 na, “Pananatiling Walang Kapintasan sa Gitna ng Isang Likong Lahi,” ay dapat na magbigay ng karagdagang pampasigla sa ating gawaing pang-Kaharian. Itatampok natin sa panahong iyon ang Abril 22 ng Gumising! sa paksang “Kapag Wala Nang Digmaan.”

Bilang kasunod sa kampanya ng Kingdom News noong nakaraang Abril, ang Abril na ito ay dapat na maging isang namumukod-tanging buwan para sa pamamahagi ng magasin. Ngayon na ang panahon para gumawa ng mga plano. Marami ang magnanais na magpatala bilang mga auxiliary pioneer. Bilang paghahanda dito, dapat pumidido ng ekstrang kopya ng mga magasin sa Abril. Maaaring gumawa ng mga plano para sa mga Araw ng Magasin, na mababahaginan ng bawat isa, sa umaga, sa tanghali, at/o sa gabi. Tayo nawang lahat ay “maging tagatupad ng salita.” Gaya ng inihula hinggil sa Mesiyas sa Awit 69:9, tayo nawa’y makapagsabi rin: “Uubusin ako ng sigasig para sa iyong bahay.”—Sant. 1:22; Juan 2:17.