Sampol na Presentasyon

Para Makapagpasimula ng mga Pag-aaral sa Bibliya sa Unang Sabado ng Nobyembre

“Sa palagay mo, mas masaya ba ang mga taong sumusunod sa Diyos? [Hayaang sumagot.] May magagandang puntong binabanggit sa artikulong ito.” Iabot sa may-bahay ang isang kopya ng Nobyembre 1 ng Bantayan. Basahin at talakayin ang materyal sa ilalim ng isa sa mga subtitulo sa pahina 16-17. Magbasa kahit isang teksto lamang. Ialok ang mga magasin at isaayos na bumalik upang talakayin ang sagot sa susunod na tanong.

Ang Bantayan Nobyembre 1

“Para sa ilan, ang binabanggit ng Bibliya tungkol sa sekso ay makaluma at sobrang istrikto. Ang iba naman ay sumasang-ayon sa Bibliya. Ano ang masasabi mo? [Hayaang sumagot.] Pansinin kung ano ang sinasabi ng Bibliya tungkol sa pinagmulan ng mga pamantayan nito. [Basahin ang 2 Timoteo 3:16.] Ipinakikita ng magasing ito kung ano ang sagot ng Bibliya sa sampung tanong na karaniwang itinatanong tungkol sa sekso. Ipinaliliwanag din dito kung paano tayo nakikinabang sa mga pamantayan ng Bibliya.”

Gumising! Nobyembre

“Kung pagmamasdan nating mabuti ang uniberso nang wala tayong kinikilingang pilosopiya, sa anong konklusyon kaya tayo aakayin nito—na mayroong Maylalang o na basta na lamang lumitaw ang lahat ng bagay? [Hayaang sumagot.] Ito ang konklusyon ng isang manunulat ng Bibliya nang pagmasdan niya ang uniberso. [Basahin ang Roma 1:20.] Ipinaliliwanag ng magasing ito kung ano ang natuklasan ng mga siyentipiko tungkol sa mga selula ng tao na nagbibigay-linaw sa isyung ito.”