Sampol na Presentasyon

Ang Bantayan Disyembre 1

“Dumadalaw kami sandali para linawin ang isang karaniwang paniniwala tungkol sa Bibliya. Halos lahat ng tao ay may paggalang sa Bibliya, pero iniisip nilang napakahirap itong maintindihan. Ikaw, ano’ng masasabi mo sa Bibliya? [Hayaang sumagot.] Tingnan mo ang isang dahilan kung bakit dapat tayong maging interesado na maintindihan ang Bibliya. [Basahin ang Roma 15:4.] Ipinaliliwanag ng magasing ito na ang Bibliya ay isinulat para maintindihan natin. Nagbibigay rin ito ng ilang tip para magawa iyan.”

Gumising! Disyembre

“Dumadalaw kami sandali sa inyong lugar para makipag-usap tungkol sa mga pamilya. Gusto nating lahat na magkaroon ng kapayapaan at pagkakaisa sa loob ng tahanan. Ano sa palagay mo ang talagang nangyayari sa mga pamilya kapag may di-pagkakasundo—iniiwasan na lang ba nila ito o sinisikap nilang ayusin ito? [Hayaang sumagot.] Pansinin mo ang sinasabi ng Bibliya. [Basahin ang Kawikaan 26:20.] Ang magasing ito ay may ilang praktikal na payo mula sa Bibliya para tulungan ang mga pamilya na magkaroon ng higit na kapayapaan.”