ARALIN 11

Sigla

Roma 12:11

KUNG ANO ANG GAGAWIN: Magsalita nang masigla para mapakilos ang mga tagapakinig.

Isapuso mo ang materyal. Habang naghahanda, pag-isipang mabuti ang kahalagahan ng mensahe mo. Maging pamilyar sa materyal mo para makapagsalita ka mula sa puso.
Isipin ang mga tagapakinig mo. Isipin kung paano sila makikinabang sa impormasyon na babasahin o ituturo mo. Pag-isipan kung paano mo ito babasahin o ituturo sa paraang lalo nila itong mapahahalagahan.
Gawing buháy ang pahayag o presentasyon mo. Magsalita nang masigla. Ipakita ang nadarama mo sa pamamagitan ng ekspresyon ng iyong mukha at natural na pagkumpas.

Huwag gamitin nang paulit-ulit ang isang kumpas para hindi doon mapunta ang atensiyon ng tagapakinig. Ibagay sa sinasabi mo ang iyong kumpas. Maging masigla lalo na kapag itinuturo mo ang pangunahing mga punto at hinihimok ang mga tagapakinig na gawin ang isang bagay. Huwag sobrahan ang sigla sa buong pahayag mo o presentasyon para hindi mapagod ang mga tagapakinig.