Sampol na Presentasyon

Ang Bantayan Nobyembre 1

“Kapag may digmaan, parehong umaasa ang magkabilang panig na nasa kanila ang suporta ng Diyos. Sa palagay mo, sinasang-ayunan ba ng Diyos ang mga digmaan? [Hayaang sumagot.] Tinatalakay ng isyung ito ng Bantayan kung bakit nakipagdigma ang Diyos noon at kung paanong malapit na niyang wakasan ang digmaan.” Basahin ang Awit 46:9 at ialok ang mga magasin.

Gumising! Nobyembre

“Milyon-milyon sa buong daigdig ang nasisiraan ng loob dahil sa pagpapaimbabaw at mga nakalilitong turo ng iba’t ibang relihiyon. Ano kaya ang mangyayari sa relihiyon? [Hayaang sumagot.] Itinatampok ng magasing ito ang isang kamangha-manghang hula sa aklat ng Bibliya na Apocalipsis. Ang hulang iyan ay tungkol sa pagtakas mula sa huwad na relihiyon pati na ang pangwakas na pagkapuksa nito.”