EKADIMWELO LO AMBOLA W’OMA LO BIBLE
Onde okama aso wa nkɛtɛ wakatongama l’oyango ɔmɔtshi?
Nkɛtɛ kakatongama dia monga edjaselo ka dimɛna kaki anto
Okama aso wa nkɛtɛ wakatongama dimɛna dia ditongami diasɛna mbidjasɛ. Tɔ kekɔ la ashi efula wele ohomba lo dikambo dia lɔsɛnɔ. Nkɛtɛ tshimbaka ndo dui sɔ tetemalaka salema, awui asɔ tshɛ kimanyiyaka diaha ndjale ya weke nkama kana monga dja. Eongelo ka nkɛtɛ (yanyi kana tshitshi) ndo wolo wakutola wele la nkɛtɛ kikokɛka oma lo esase wakoka ndjaka. Woho wakimanyiyana tombatomba la waa nyama ekɔ dui dia diambo. Diakɔ diele, anto efula wakate ɔnɛ nkɛtɛ kɛnɛ kakatongama l’oyango ɔmɔtshi.—Adia Isaya 45:18.
Koko, wɛ koka ndjambola ɔnɛ: ‘Onde akakongɛma lo sangwelo sɔ dia sho ndjosowaka ndo ndjodiɛnɛka la wɛngiya?’—Adia Euhwelu k’Elembe 32:4, 5.
Onde sangwelo dia Nzambi diendana la nkɛtɛ diayokotshama?
Nkɛtɛ kakatongama di’anto walɛmiyana ndo woka Otungi awɔ ngandji mbidjasɛka l’ɔngɛnɔngɛnɔ. Ɔnkɔnɛ, lɔsɛnɔ l’onto lakatongama l’oyango woleki wa tombatomba kana wa waa nyama. Sho koka mbeya ele Otungi aso, monga la lowando ndo mbookoya lo mbokana ngandji ndo monga la losembwe.—Adia Undaki 12:13; Mika 6:8.
Otungi aso ayokotsha akambo tshɛ wakandasangoya dia nsala. Ɔnkɔnɛ, sho koka monga l’eshikikelo ɔnɛ nde ayonya asui ndo awui wa wɛngiya ndo nde ayetɛ okama aso wa nkɛtɛ edjaselo ka dimɛna efula lo dikambo di’anto.—Adia Osambu 37:11, 29; Isaya 55:11.