Kakɔna kata Bible?

Onde tekɔ lo nsɛna lo “nshi y’ekomelo”?

Ngande wayoyokadimola?

• Eelo

• Ndooko

• Ondo

Kɛnɛ kata Bible

“Lo nshi y’ekomelo, tena dia paa dia wolo mbikikɛ diayoyala.” (2 Timɔte 3:1) Prɔfɛsiya ya lo Bible mbidja ndo awui wasalema nshi nyɛ mɛnyaka dia tekɔ lo nsɛna lo “nshi y’ekomelo.”

Naa awui akina wakokaso mbeka oma lo Bible?

• Nshi y’ekomelo yayonga la ata, ndjala, adidimu wa nkɛtɛ ndo hemɔ yadiaka anto.—Mateo 24:3, 7; Luka 21:11.

• Lo nshi y’ekomelo, tshunda di’ana w’anto diayonga la lɔkɛwɔ ndo lonyuma la kɔlɔ.—2 Timɔte 3:2-5.

Kakɔna kakongɛ anto lo nshi yayaye?

Anto amɔtshi fɔnyaka . . . dia nshi y’ekomelo yayokomɛ la olanyelo wa nkɛtɛ ndo anto tshɛ wele lɔkɔ, etena kele anto akina wekɔ la elongamelo ɔnɛ akambo wayolowana. Kakɔna kafɔnyayɛ?

Kɛnɛ kata Bible

“Anto w’ɛlɔlɔ wayokita nkɛtɛ, ndo wayodjasɛka lɔkɔ pondjo pondjo.”—Osambo 37:29.

Naa awui akina wakokaso mbeka oma lo Bible?

• Nshi y’ekomelo yayokomɛ la wonyelo w’awui wa kɔlɔ tshɛ.—1 Joani 2:17.

• Nkɛtɛ kayokadimɔ paradiso. —Isaya 35:1, 6.