Sanganya y’olimu ya yitshu

Lomingu latatɛ la Yitshu 2

Osambu 209

Taahe 5: Mbɔtwɛlɔ, waewoyelo w’endana l’etshumanelo ndo Waewoyelo w’endana la Olimu aso wa Diolelo. Nyandole apandjudi dia otombelo awo l’olimu wa sambisha.

Taahe 20: Lende ele wakiso wa ngandji wakashisho na? Sawo dia lo nkumbo. Oma l’ekimanyielo ka tokanyi tosonami oma lo dibuku Comment raisonner, Akatshi 253 polo 255, ombutshi a pami ayotshimola dikambo dia nyoi k’ose nkumbo omotshi. Nde ayohikama dia mbukiya an’ande lokanyi la Bible. Nde ayowaoka wembola dia ndjashikike kana vo mpotoka hwe olembetshiyelo wele la nyoi ndo dia kana weko l’akoka wa nembetshiya aha l’okakatanu kene kele nyoi lo ndjela enonyi awo. Nde ayohomba mbaenya woho akona wakokawo ndjakimanyia la dibuku Comment raisonner dia samba anyawo.

Taahe 20: “Oshinga wele la Bible lo andja wa nshi nye.” Sawo lasa omendji w’olimu l’opandjudi wakombola pama l’olimu wa sambisha. L’okongo wa sedingola palagalafe 3, omendji w’olimu, lakamba olimu w’oteketshi, ambombola opandjudi dia nde pemba sawo di’enyami. L’okongo w’osedingwelo wa palagalafe 4, omendji w’olimu ambonyomokalola lo sawo diako, ambosa dihole dia one lateketa ndo opandjudi ambokamba olimu w’oteketshi ande. Keketsha apandjudi dia vo ndakanya anto wele l’etema w’ololo ndo wane weka Bible dia vo nyomoleka mandola kana mbedikola oshinga wele la Traduction du monde nouveau. Ɛtɛkɛta wa ndjihelo.

Osambu 104 la dombelo dia ndjihelo.

Lomingu latatɛ la Yitshu 9

Osambu 27

Taahe 5: Mbɔtwɛlɔ ndo waewoyelo w’endana l’etshumanelo.

Taahe 15: “Dibuku diasha elombwamelo k’oshika.” Ayosalema la wembola ndo ekadimwelo. Ɛnyɛlɔ: diembwelo di’oyoyo lo ndjela tokanyi ta palagalafe 3. Keketsha ampokami dia vo teketa la wangasanu tshe dikambo di’oshinga a mete wele la Bible etena kasambishawo lo luudu la luudu kana lo sala waembwelo w’eyoyo.

Taahe 25: “Onde we eko suke dia ntokomɛ dikambo dimotshi di’enganga diakoka mbidja mbetawo kaye l’ehemba?” Ayosalema la wembola ndo ekadimwelo. Omotshi a l’atei a dinondo lambekesanɛ l’olimu ambokindola okotsha lo teketa omak’etatelo polo ndo lo ote a dui wahonyi one: “Ekimanyielo k’ololo etena kahombama.” Ntɛtɛ di’aha konga paka wonya wakoma akambo wolo ko ndjokanyia dia kene kasala. Pombaka kanyia mako kakiane l’atei a nkumbo​—ndo toyâmbale! Ɛtɛkɛta wa ndjihelo.

Osambu 134 la dombelo dia ndjihelo.

Lomingu latatɛ la Yitshu 16

Osambu 16

Taahe 10: Mbɔtwɛlɔ, waewoyelo w’endana l’etshumanelo ndo Alapolo a wedikwelo wa falanga ndo eokelo ka losaka dia weshasha. Andola ampokami dia woho wasukewo etshumanelo ndo olimu waki la Société wa l’andja w’otondo oma lo ekimanyielo ka weshasha awo. Ewoya tediko tambosama di’osambishelo l’ekomelo ka lobingu.

Taahe 10: “Totombole Jehowa l’ekimanyielo k’esambu aso.” Sawo di’ekeketshelo diele l’etshina kato oma lo ote a dui ako. Yakimanyia l’esambu wele lo dikonge dia la dikolo diako dia mɔmbɔla ndo mbukiya tokanyi t’enyami lo ote a dui ako.

Taahe 25: “Onde we eko suke dia ntokomɛ dikambo dimotshi di’enganga diakoka mbidja mbetawo kaye l’ehemba?” Ombahemi a loseke wambekesanɛ efula l’olimu ambosala sawo di’endana l’okotsha, tatɛ oma lo ote a dui wahonyi one: “Ekimanyielo k’ololo etena kahombama” polo ndo l’ekomelo. Nde ambenya ohomba wa mbokana la dinondo ndo la kɔmite ka diɔtɔnwɛlɔ la wa pitadi naka dikambo dimotshi dia wolo di’endana l’enganga diambotomba. Ɛtɛkɛta wa ndjihelo.

Osambu 54 ndo dombelo dia ndjihelo.

Lomingu latatɛ la Yitshu 23

Osambu 141

Taahe 10: Mbɔtwɛlɔ, waewoyelo w’endana l’etshumanelo ndo Alapolo w’olimu w’etshumanelo wa ngondo k’etshi. Keketsha apandjudi dia vo kana lomba woho wa kimo alapolo awo wa ngondo kene esadi ndo dia vo nama mete ka kene kafundawo loko.

Taahe 15 “Tokimanyia anto weka Bible dia vo nongosola wekelo awo.” Ayosalema la wembola ndo ekadimwelo. Nyadia palagalafe tshe naka wonya weko.

Taahe 20: “Onde sho kanaka lomba oma l’Afundelo?” Ayosalema la wembola ndo ekadimwelo oma le onangeso omotshi ladja olimu wa sambisha lo luudu la luudu ndo lo waembwelo l’ololo tshe. L’okongo w’osedingwelo wa palagalafe 4, ɛnyɛlɔ k’enya woho akona wakoka opandjudi shila kana teketa tenyi dimotshi di’afundelo oma l’ote naka onto eko lo tatshu esadi esadi. L’okongo wa ɛnyɛlɔ, ohola ohomba wa ndjela kanyi yako dikambo dia sho tshaka la wolo aso dia ‘sambisha dui’ etena kele anto w’eko l’akambo efula wa ntsha kana elimu awo wa lushi la lushi mbâhekaka. (2 Tim. 4:2) L’okongo w’osedingwelo wa palagalafe 6, mbola opandjudi wakamba olimu dimena la dibuku Comment raisonner dia nde mbuta woho watshande. Ɛtɛkɛta wa ndjihelo.

Osambu 223 ndo dombelo dia ndjihelo.

Lomingu latatɛ la Yitshu 30

Osambu 207

Taahe 10: Waewoyelo w’endana l’etshumanelo. Keketsha wane wakoka dia vo ndjala ambatshi mboka wa tshanda lo Mam’ekongo la tange la lo Lotena eduwa.

Taahe 15: “Bible: olombodi w’oshika le onto la nshi nye.” Ayosalema oma le Owandji a nkumbo; sawo diele l’etshina lo La Tour de Garde ka Yitshu 1, 1993. Lembetshiya one: kamba olimu l’elembe wa lo Bible kokaka mbela woladi ndo keketsha eongelo ka ngandji l’atei a nkumbo. Mbola ompokami otoi kana ahende wakayalongosola dia vo menya woho wele alako w’oma lo Dui dia Nzambi wakakimanyia nkumbo kemotshi kana onto omotshi.

Taahe 20: “Tâkimanyia dia vo kamba olimu la Bible dimena.” Ayosalema la wembola ndo ekadimwelo. Enya dia sho pombaka kimanyiana woho wa nyomoleka ndowana lo weho wotshikitanyi w’olimu. Kongɛ ɛnyɛlɔ k’enya woho wele opandjudi lo kimanyia ombeki wa Bible wambokotsha tediko ta sambisha, kana ombutshi a pami kana wa womoto akimanyia on’ande l’eke dikenda dia nde ndjalongosola dia olimu. Ɛtɛkɛta wa ndjihelo.

Osambu 214 ndo dombelo dia ndjihelo.