Diohwelo Le Sekeletɛrɛ La Le Omendji W’olimu

Ɔnɔnyi l’ɔnɔnyi, diewoyelo dimɔtshi tombaka l’Olimu Aso wa Diolelo wa Yâta Afusa, walɔmba sekeletɛrɛ la omendji w’olimu dia vɔ ‘sɛdingola olimu w’ambatshi mboka wa pondjo tshɛ.’ Naa oyango w’ɔsɛdingwelo ɔsɔ wahomba salema lo ngɔndɔ kɛnɛ k’Asase a Ndjoko? Nembetɛ akɔna ayonga l’ohomba w’ekimanyielo dia kotsha oyango ande w’endana la wenya oma lanɛ polo ndo lo komelo k’ɔnɔnyi.

Ambatshi mboka wa pondjo pombaka mbetsha wenya 1000 l’olimu l’ɔnɔnyi. Lo komelo ka ngɔndɔ ka Yâta Afusa, amɔtshi ndjɛnaka dia vɔ bu la wenya, ko dikambo sɔ mbeyaka ndjalɛndja demba. Mbala efula, dikumanyi mongaka l’akoka wa kimanyiya ambatshi mboka, lo mbakeketsha la mbasha alako w’eshika. Wɔtwɛlɔ wa dikumanyi lo dikambo sɔ mbeyaka monga ekimanyielo k’ohomba efula ndo mbisha ombatshi mboka diaaso dia nde kotsha oyango ande, lo dihole dia ntshika olimu ande.

Ambatshi mboka wayonga la lowando lo woho wayasha dikumanyi le wɔ l’otema ɔtɔi lo dikambo sɔ. Ndo etshumanelo ayokondja wâhɔ oma lo woho wayowɛnaka ambatshi mboka wangɛnangɛna l’olimu ndo wakotsha lotumu lawɔ la kɔlamelo tshɛ.