Lofulo la Wenya Walɔmbawɔ Ambatshi Mboka Ambotshikitana

¹ Sho tshɛ ngɛnangɛnaka olimu wa wolo wakamba ambatshi mboka wa pondjo la wa tshanda l’atei w’etshumanelo. Oyadi kânga mbilo bu woke efula ndo kindjakindjamaka tena tshɛ, ambatshi mboka mbishaka ɛnyɛlɔ k’ɔlɔlɔ k’ohetoheto l’olimu wa Diolelo. Vɔ keketshaka apandjudi tshɛ dia tetemala la ndjasha tshɛ lo tayangaka anto ‘wasungana.’​—⁠Etsha 13:⁠48.

² La Société ekɔ lo mɛna dia ambatshi mboka pomanaka nshi tshɛ l’ekakatanu w’efula, djekoleko dia kondja olimu wa lo tena dimɔtshi nto wayowakimanyiya dia kotshaka ehomba awɔ dimɛna ndo tshikala l’olimu wa lo tena tshɛ. Ndo nto, lo wedja efula, l’ɔtɛ w’ekondjelo kaya wolo, apandjudi akina hawoyokoka kânga yema dia kamba olimu w’ombatshi mboka kânga mbewɔ la saki ka wolo ka kamba olimu akɔ. Lo ngɔndɔ nyɛ yetshi, takasɛdingola awui asɔ ndo akina.

³ Omalɔkɔ, la Société ambokitshakitsha wenya walɔmbawɔ ambatshi mboka wa pondjo la wa tshanda. Tatɛ l’ɔnɔnyi w’olimu wa 1999, ambatshi mboka wa pondjo wayosambishaka wenya 70 lo ngɔndɔ, mbut’ate, wenya 840 l’ɔnɔnyi. Ambatshi mboka wa tshanda wayosambishaka wenya 50 lo ngɔndɔ. Wenya w’ambatshi mboka wa lânde la wa waa misiɔnɛrɛ wayotshikala k’ama wewɔ nɛ dia la Société ambɔsaka tɛdikɔ tâkimanyiya dia kotsha ehomba awɔ. Ɔnkɔnɛ, vɔ kokaka ndjasha tshɛ l’olimu wa sambisha ndo mbetɛ anto ambeki.

⁴ Tambolongamɛ dia otshikitanyelo ɔsɔ wa lofulo la wenya walɔmbama ayokimanyiya ambatshi mboka efula dia vɔ tetemala l’olimu awɔ ɔsɔ wa dimɛna efula. Dui sɔ diayosha ndo apandjudi efula diaaso dia vɔ monga ambatshi mboka wa tshanda kana wa pondjo. Ande ɛtshɔkɔ wayonga l’onto tshɛ l’atei w’etshumanelo lee!