Sanganya Y’olimu Ya Tshango
Lomingu la Tshango 1
Osambu 194
Taahe 10: Waewoyelo ndo Waewoyelo w’endana l’Olimu Aso wa Diolelo.
Taahe 17: “Nyosungukalake.” Ayosalema la wembola ndo ekadimwelo.
Taahe 18: “Tokambe la Lokaka la Tobukubuku l’Esambishelo.” Ɔkɛtshanyelo lo wɛnyanyelo wolakanyemi. Sha tokanyi tɔmɔtshi ta lo tshena pe tɛnya akambo amɔtshi wa lânde wele lo tobukubuku. Diɛnyɛlɔ dihende kana sato dia tomondo diɛnya woho wa tilɛkɛ anto.
Osambu 213 ndo dɔmbɛlɔ dia ndjihelo.
Lomingu la Tshango 8
Taahe 10: Waewoyelo. Alapɔlɔ wa wɛdikelo a falanga.
Taahe 15: “Onde na Waehwelo wa Jehowa Tosalanganyaka lo Nyuma?” Ayosalema la wembola ndo ekadimwelo.
Taahe 20: Onde wɛ ekɔ suke dia ntokomɛ dikambo dimɔtshi di’enganga diakoka mbidja mbetawɔ kayɛ l’ohemba? Dako diahɛtahɛta oma le ekumanyi kɛmɔtshi kambekesanɛ l’olimu. Lam’akambayɛ la tokanyi tele l’odingɔ 1 polo 3 wa okotsha wa Olimu Aso wa Diolelo wa Yitshu 1994, kimanyiya ampokami dia vɔ mbeya ohomba w’ekokelo kasha kartɛ kelɛwɔ “Attestation.” Nyokahe apandjudi wambolongolaka batismu seront-elles remises gratuitement ou contre contribution? Voir le Comité de la filiale kartɛ y’eyoyo lêngɔnya la yema ya weshasha, ko nyu ndjenda mukanda wa Lovula 15, 1995 lɛnɛ ele alako w’endana la woho wa ndodja kartɛ yakɔ. Ewoya anangɛso dia AHA vɔ ndodja kartɛ yakɔ la dikɔlɔ dingo koko watshu layɔ lawakawɔ, dia vɔ tenda dikambo diakɔ lo dɔmbɛlɔ, ko ndjokilodia. Koko HAWOTOKA LOHITA lo kartɛ yakɔ l’etena kɛsɔ. Vɔ wayotsho layɔ, lâsɔ ko wamboyilodjaka, lo wekelo wa dibuku wa mbala kayela lɛsɔ mbayotota dikumanyi dia mbika lohita lo kartɛ, ko ɛmɛnyi ndjishikikɛ ko funda ndo datɛ. Ɔnɔmbɔdi wa wekelo wa dibuku ayɔsa dikatshi diele la nkombo y’apandjudi wele l’olui ande nshi ndjo dia ndjashikikɛ kana ndoko onto lakohamɛ. (Kokaka kimanyiya ambutshi wambolongolaka batismu dia vɔ ndodja Cartes d’identité y’anawɔ.) Wanɛ wahatonga lo wekelo wa dibuku ɔsɔ kokaka kimanyiyama oma le ɛnɔmbɔdi wa wekelo wa dibuku ndo oma le dikumanyi lo losanganya l’olimu layoyela, edja ndo oseka opandjudi tshɛ wambolongolaka batismu ambolodja kartɛ dimɛna ndo amboka lohita lɔkɔ. Dikumanyi diayofunda nkombo ya wanɛ wahaye la kartɛ yawɔ le wɔ ndo wayohemba woho wa shidiya la ndodja kartɛ tshɛ kam’akakondjama etena.
Osambu 154 ndo dɔmbɛlɔ dia ndjihelo.
Lomingu la Tshango 15
Osambu 192
Taahe 10: Waewoyelo.
Taahe 20: “Tokalole dia Tênda Onto Tshɛ Laketawɔ Biukubuku.” Ɔnangɛso lakawasha ɔkɛndɛ w’etenyi kɛnɛ ka losanganya ayɔkɛtshanya l’apandjudi asato lo dikambo di’ohomba wa nyomotshɔ dia tenda wanɛ tshɛ wakɛnya saki kana wakalongola ekanda. Vɔ wayɔsɛdingola wɛnyanyelo wakalakanyema ko vɔ pemba kâmɛ woho wa kamba lawɔ olimu.
Taahe 15: Teke l’Onto Bible la Ngelo. Dako oma le ekumanyi kɛmɔtshi kêka Bible l’anto wahama. Keketsha apandjudi dia vɔ nyomoleka mbidja weolo dia tatɛ mbeka l’anto Bible. Nyomota tokanyi tɔmɔtshi t’oma lo dibuku Organisés pour bien remplir notre ministère, lɛkɛ 89-91. Wɛ kokaka kɔndɔla akambo amɔtshi wakasalema l’atei w’etshumanelo lo tshena pe.
Osambu 164 ndo dɔmbɛlɔ dia ndjihelo.
Lomingu la Tshango 22
Taahe 10: Waewoyelo. Sɛdingola kiombokombo yele l’ɔtɛ a dui w’ɔnɛ: “Ekongelo ka Losanganya l’Otshimbedi 1995-1996.”
Taahe 15: Toyange Waaso wa Sambisha. Efula l’atei aso ntshɔka lo nkɛndɔ dia tɔtɔ lo losanganya la woke kana lo vakashi, dikambo sɔ toshaka waaso w’ɛlɔlɔ efula wa sho sambisha lo yoho ya tshakitudi. Lo ndjela Manuel pour l’école, lɛkɛ 80-1, odingɔ 11-16, ta nganɛ wakokaso tatɛ sawola l’onto lahateye. Ɛnya ɔnɛ ndjalɔngɔsɔla kimanyiyaka dia kondja etombelo w’ɔlɔlɔ. Diɛnyɛlɔ sato diɛnya apandjudi asato wotshikitanyi, ɔmɔtshi asawola la onto lasondja esasɛ (kana l’ɔnɛ lafutshanya falanga lo bus), okina asawola la pasase kɛmɔtshi lo mutuka kana lo masuwa ndo la sato asawola la onto ɔmɔtshi lakongɛ dia futa falanga lo makashinyi ɔmɔtshi. Ohola apandjudi ɔnɛ ekɔ ohomba dia funda nkombo ya wanɛ wakɛnya saki ndo ndjalɔngɔsɔla woho w’onto ɔmɔtshi ndjotshɔ dia towaendaka.
Taahe 20: Asukanyi Ayowokanyiya Na? Dako ndo ɛnyɛlɔ oma lo sawo diakatombe lo Tshoto y’Etangelo ya Lotena Eduwa 15, 1974 (lo Falase), lɛkɛ 425-7. Dako diakɔ diayolembetshiya lande na kele asukanyi aso wele kema Ɛmɛnyi pembaka dia totshutshuya tena efula. (Sɛdingola lɛkɛ 425 la odingɔ wa ntondo wa lo lɛkɛ 426.) Ko l’ɔkɔngɔ ɛnyɛlɔ kɛnya atshukanyi amɔtshi wambekesanɛ l’olimu wasawola la nkumbo kɛmɔtshi keke ka ndjasha lo mɛtɛ ko asukanyi wahalange vɔ mbeka Bible l’Ɛmɛnyi wa Jehowa wekɔ lo nyanga woho wambɔlɛndja. (Sɛdingola tokanyi toleki ohomba tele lo tenyi dikina dia sawo diakɔ.) Ka epole ɔsɛkɛ l’ɛkɔkɔ wahahombe nkumbo kakɔ nɛmba kana tshika.
Osambu 169 ndo dɔmbɛlɔ dia ndjihelo.
Lomingu la Tshango 29
Taahe 10: Waewoyelo. Sango ya Teokrasi.
Taahe 15: “Tokeketshake Anto.” Ɔkɛtshanyelo ndo dako oma le ekumanyi kɛmɔtshi.
Taahe 20: Ekanda wayotɔlɛkɛ anto lo Yâta Afusa. Ohola biukubuku yakɔna ya ndjɛkɛ 32 yakoka kambema olimu. Sɛngɔla apandjudi dia vɔ kɔndɔla akambo wakatombe lo Tshango lo kɛnɛ k’endana la wɛnyanyelo wa tobukubuku. Ɛnyɛlɔ: Opandjudi ɔmɔtshi atatɛ mbeka l’onto Bible lo biukubuku Onde Nzambi Tokaneka Mete Ondo?; nde ekɔ lo mumbola dimbola diokami lo odingɔ 1 wa etenyi 1; nde ekɔ lo mumbola ɔtɛkɛtshi ande kanyi yande lo kɛnɛ k’endana la odingɔ 2-4; nde ekɔ lo mbuta ɔnɛ biukubuku nyɛ mɛnyaka ɔnɛ Nzambi tokanɛka mɛtɛ ndo tayokoka mbidjasɛ l’andja w’oyoyo waha la pâ; nde ambolaka dia nde ndja nto dia vɔ ndjosawola dimɛna.
Osambu 179 ndo dɔmbɛlɔ dia ndjihelo.