Sanganya Y’olimu Ya Kɔlɛkɔlɛ
Lomingu la Kɔlɛkɔlɛ 7
Taahe 5: Waewoyelo. Waewoyelo w’endana l’Olimu Aso wa Diolelo.
Taahe 20: “Tɔkɛndɛkɛndɛ la Mbetawɔ.” La wembola ndo ekadimwelo.
Taahe 20: “Tewoya Lokumu l’Ɔlɔlɔ la Sso di’Ɔlɔlɔ.” Kamba l’odingɔ 1 oko ɛtɛkɛta wa mbɔtwɛlɔ. Ohola wate lo dihole dia dibuku Création sho kokaka nto mbisha anto dibuku Loseno la Pondjo kana Vie de famille naka wekɔ lo lɔkɔtɔ l’etshumanelo. L’ɔkɔngɔ nyɔsɛdingole paka odingɔ 2-5. Diɛnyɛlɔ diakalɔngɔswama dimɛna dia woho wa mɛnyanya dibuku Création, wa sala diendelo di’oyoyo ndo tatɛ wekelo lo dibuku Ewo.
Osambu 48 ndo dɔmbɛlɔ dia ndjihelo.
Lomingu la Kɔlɛkɔlɛ 14
Taahe 12: Waewoyelo. Alapɔlɔ wa falanga. Tɛkɛta dia sawo diele l’ɔtɛ a dui w’ɔnɛ: “Tosambisha Diolelo.”
Taahe 18: Tɔsɛdingole alapɔlɔ w’etshumanelo wa l’ɔnɔnyi w’olimu 1996. Dako di’oshika ndo diahɛtahɛta oma le omendji w’olimu. (Enda lo dibuku Notre ministère, lɛkɛ 101-2.) Kotola yambalo lo awui wele etshumanelo nge ndo andolawɔ. Tɛkɛta akambo amɔtshi wele olimu w’ambatshi mboka wa pondjo la wa tshanda akakimanyiya dia olimu pama lo ngelo kanyu. Ta lofulo l’anto wɔtɔ lo nsanganya ndo tɛtɛ di’ohomba wa mbɔtɔka lo nsanganya tena la tena. Ɛnya eyango ɛmɔtshi w’eshika wokoki etshumanelo ndjadjɛ ndo ndjatshutshuya dia mbâkotsha l’edja k’ɔnɔnyi ɔnɛ w’olimu.
Taahe 15: “Tewoya Lokumu l’Ɔlɔlɔ la Sso di’Ɔlɔlɔ.” Nyɔsɛdingole paka odingɔ 6-8. Diɛnyɛlɔ dia ohomanelo wa ntondo la diendelo di’oyoyo lo makashinyi la makashinyi. [Enda l’Olimu Aso wa Diolelo wa Lotena Eduwa 1993 (Falase), lɛkɛ 5, dia kondja tokanyi tokina.] Keketsha onto tshɛ dia kalola esadi la tenda anto.
Osambu 123 ndo dɔmbɛlɔ dia ndjihelo.
Lomingu la Kɔlɛkɔlɛ 21
Taahe 10: Waewoyelo. Lɔkɛwɔ l’Okristo la Kalasa. Papa kɛmɔtshi ekɔ lo mbutɛ ɔnande dia mbêwola oma lo tolonga tahomana la nde la kalasa; nde ekɔ lo tɛtɛ di’ohomba wa sɔna anto wa mɛngɔlaka la wɔ ndo di’aha mbɔtɔ lo tɔkɛnyɔ ta kɔlɔ. Nde ekɔ lo sɛdingola kiombo yele lo lɛkɛ 24 la biukubuku L’instruction ndo ekɔ lo nembetshiya ɔnɛ Ɔmɛnyi pombaka mbisha ɛnyɛlɔ k’ɔlɔlɔ. Papa kakɔ ekɔ lo mbuta ehemba ɛmɔtshi wokoki komɛ ɔlɔngɔlɔngɔ: ɔnwɛlɔ wa didjoyadjoya, wɛngɔ wa l’ana a amato kana l’ana w’apami, tɔkɛnyɔ ta l’otsho kana wɔtwɛlɔ wa lo tɔkɛnyɔ ta kembana; vɔ wekɔ lo kɛtshanya dia kɛnɛ kokokiwɔ sala dia mbewɔ ekakatanu. Papa ekɔ lo keketsha ɔnande dia nde mbotɛka ekiyanu ande esadi: nde kombolaka mbeya ekiyanu akɔ ndo mbôkimanyiya.
Taahe 15: “Toyale Diɛnyɛlɔ l’Ɛtɛkɛta ndo lo Lɔkɛwɔ.” La wembola ndo ekadimwelo.
Taahe 20: “Tosambisha Lokumu l’Ɔlɔlɔ l’Ahole Tshɛ.” La wembola ndo ekadimwelo. Ɔsɛdingwelo w’odingɔ 1-15 eto. Ala odingɔ 3 la 5. Kɔndɔla akambo weta lo ngelo kanyu wɛnya etombelo wakakondjama oma l’esambishelo ka l’ɔsɛsɛ kana lo mituka wɛmba anto tshɛ.
Osambu 32 ndo dɔmbɛlɔ dia ndjihelo.
Lomingu la Kɔlɛkɔlɛ 28
Taahe 12: Waewoyelo. Nyɔkɛtshanya lo kiombo yata ɔnɛ: “Ekadimwelo lo Wembola Anyu.”
Taahe 20: “Tosambisha Lokumu l’Ɔlɔlɔ l’Ahole Tshɛ.” La wembola ndo ekadimwelo. Ɔsɛdingwelo w’odingɔ 16-35. Ta woho wakokaso kamba l’alako akɔ lo ngelo kaso. Diɛnyɛlɔ lo odingɔ 23-5. Ala odingɔ 34-5.
Taahe 13: Ekanda wayotɔlɛkanɛ lo Tshaka Fudu. Tayɛnyanya periodikɛ Tshoto y’Etangelo la Réveillez-vous! Kokaka mɛnya anto abɔnɛma lo waendelo w’eyoyo. Nyɔkɛtshanyi lo tokanyi tɔmɔtshi, oko tɔnɛ: (1) Ɔkɔkɔ watondjama periodikɛ, wolembetshiyami lo ndjɛkɛ ya ntondo. (2) Yɔ fundamaka l’ɛtɛkɛta efula, woho wa ewo ka Bible diangana l’andja w’otondo. (3) Tshoto y’Etangelo yakasalema dia wekelo w’onto ndamɛ, wa lo nkumbo ndo wa l’olui. (4) Anto wele l’ɛtɛmwɛlɔ efula wotshikitanyi ndjialaka. (5) Shamɛ tayɔtɔlɛka anto tshɛ walanga mɛtɛ ndjiala numɛlɔ yeke ka tomba. (6) Yɔ sunganaka mɛtɛ le anto wele l’elimu. (7) Tshoto y’Etangelo yekɔ lo tondjama oma ko 1879; Réveillez-vous! oma ko 1919. (8) Sho ndjishanaka naka onto kimɔ yema ya woshasha ya tshitshɛ. (Enda lo Prix courant.) Dihiya la kɔmatɛrɛ yakasha ombadi ɔmɔtshi wele la lowando.—Enda lo Tshoto y’Etangelo ya Mɔmbi 15, 1986 (Falase), lɛkɛ 32.
Osambu 215 ndo dɔmbɛlɔ dia ndjihelo.