Nsanganya Y’olimu Ya Asase A Ndjoko
Lomingu la Asase a Ndjoko 3
Taahe 10: Waewoyelo. Waewoyelo wasungana l’Olimu Aso wa Diolelo. Nsango ya Teokrasi.
Taahe 15: “Tokambe Olimu Wahakambemaki nto Pondjo.” La wembola ndo ekadimwelo. Kana wonya wekɔ, sha tokanyi tɔmɔtshi t’oma lo dibuku Prédicateurs lɛkɛ 714-15, “Mambalɛ: ngande?”
Taahe 20: “Tewoya Anto Lokumu l’Ɔlɔlɔ, oko Weyaso Ɔnɛ Nshi Hayoviya.” (od. 1-5) L’ɔkɔngɔ wa nde mɔmbɔla od. 1 lo tshena pe, ɔnɔmbɔdi akɛtshanya l’apandjudi ahende kana asato lo od. 2-5. Wasɛdingole atshina asato w’akambo wa toho tolakanyemi ndo walembetshiya lande na kele asawo akɔ, kana akina wa woho akɔ, kokaka monga dimɛna efula l’etenyi kawɔ ka ngelo. Apandjudi wasale toho takɔ l’ɔnɔngɔ. Ɔnɔmbɔdi awândole, awasha alako dia vɔ nyomolowanya yewo yawɔ ndo awaohole ohomba wa mbuta yema ya oshasha yalɔmbama. L’ɔkɔngɔ ambole ampokami nganɛ wokoki onto kotsha oyango wa tatɛ mbeka l’anto Bible. Sha tokanyi ta shikaa tendana la woho wa tatɛ mbeka l’onto l’ekimanyielo ka dibuku Ewo.
Osambu 34 ndo dɔmbɛlɔ dia ndjihelo.
Lomingu la Asase a Ndjoko 10
Taahe 5: Waewoyelo. Alapɔlɔ wa falanga.
Taahe 10: “Tewoya Anto Lokumu l’Ɔlɔlɔ, oko Weyaso Ɔnɛ Nshi Hayoviya.” (od. 6-8) Lɔngɔsɔla ɛnyɛlɔ kɛmɔtshi lo od. 6-7. Tɛtɛ di’ohomba wa kalola dia tenda wanɛ wɛnya saki.
Taahe 30: “Toyange Ambatshi Mboka wa Tshanda 100000.” La wembola ndo ekadimwelo. Oma le omendji w’olimu. Tɛkɛta dia kiombokombo yele lo lɛkɛ 3. Nyende ekongelo ka wenya koshami lo lɛkɛ 6. Opandjudi tshɛ wambobatizamaka ayohomba menda ndamɛ ndo mbidja lo dɔmbɛlɔ kana nde kokaka monga ombatshi mboka ngɔndɔ ɔtɔi, kânga ndekana. Apandjudi wahatabatizama kokaka nyomokamba olimu efula lo ndjashikikɛka lofulo la wenya wahombawɔ sambisha ngɔndɔ tshɛ.
Osambu 43 ndo dɔmbɛlɔ dia ndjihelo.
Lomingu la Asase a Ndjoko 17
Taahe 10: Waewoyelo. Tondja tokanyi t’amɛna t’oma lo periodikɛ yeke ka tomba takokaso kamba latɔ lomingu lɔnɛ l’esambishelo.
Taahe 13: “Eohwelo—Dikambo di’Ohomba Efula.” La wembola ndo ekadimwelo. Keketsha anangɛso l’akadiyɛso dia vɔ mbetɛ ngɔndɔ k’Asase a Ndjoko (kaya lo lomingu latɔ la sato) ngɔndɔ ka lânde lo monga ambatshi mboka wa tshanda ndo, naka kokaka, sala woho akɔ nto lo ngɔndɔ ka Mɔmbi la ka Yitshu. Tɛkɛta dia kamba l’akatshi wa leeta la ntshɔ lo losanganya l’Eohwelo.
Taahe 22: Tome mbeka l’anto Bible lawakawɔ. Ngɔndɔ yetshi nyɛ, takatshikɛ anto abuku nunu kama. Ɔsɔ ekɔ mɛtɛ diaaso dia tatɛ mbeka l’anto efula Bible. Sɛdingola kɛnɛ kakasalema l’etshumanelo kanyu lo kɛnɛ kendana la tshikɛ anto abuku ndo ekanda ekina. Keketsha apandjudi dia vɔ kalola la tenda wanɛ tshɛ wakɛnya saki. Mbola apandjudi dia vɔ mbuta djekoleko weolo wakawahombe sala dia tatɛ mbeka l’anto Bible. Tɛtɛ di’ɔnɛ lotumu laso mendanaka ntondotondo la mbetɛ anto ambeki. (Mat. 28:19, 20) Sho kokaka sala dikambo sɔ dimɛna efula naka sho ndjatshutshuya dia kamba la tokanyi tele lo dikatshi di’okotsha dia Olimu Aso wa Diolelo wa Lotena Eduwa 1996.
Osambu 47 ndo dɔmbɛlɔ dia ndjihelo.
Lomingu la Asase a Ndjoko 24
Taahe 18: Waewoyelo. Ta nkombo y’ambatshi mboka wa tshanda tshɛ wa lo Mɔmbi la Yitshu. Ewoya ɔnɛ etena kekekɔ ka ndodja dɛmandɛ. Keketsha onto tshɛ dia sambisha efula Lushi la Samalo, Asase a Ndjoko 30. Ta tɛdikɔ tokina tambɔsama l’etshumanelo kanyu lo dikambo dia nsanganya y’otsha l’esambishelo. Sɛdingola dimɛna ɔtɛ a dui w’ɔnɛ Ekadimwelo lo Wembola Anyu.
Taahe 12: “Ngande Wayotosala la Nkumbo Kaso Na?” Pami kɛmɔtshi akɛtshanya la wadiɛnde lo sawo diakɔ. Vɔ wambɔsa yɛdikɔ dia woho wayowohomba sambisha ase nkumbo kawɔ wele bu Ɛmɛnyi lokumu l’ɔlɔlɔ.—Enda lo Tshoto y’Etangelo ya Yâta Afusa 15, 1990 (lo Falase), lɛkɛ 25-7.
Taahe 15: Okanda wayotosha anto lo Mɔmbi: Sheke y’Ɔngɛnɔngɛnɔ wa lo Nkumbo. Tɛkɛta lo tshena pe dia akambo wahɔhɔla ohandjo a nkumbo nshi nyɛ. [Enda lo Tshoto y’Etangelo ya Kɔlɛkɔlɛ 15, 1992 (lo Falase), lɛkɛ 4-7.] Sɛdingola kɛnɛ kele lo dibuku, lo lɛkɛ 3. Keketsha ampokami dia vɔ sɔna totshapita tayowokoka kamba latɔ dia mɛnya anto dibuku diakɔ. Kotola yambalo yawɔ oya lo kiombokombo y’ohomba efula lo wetshelo yatanema l’ekomelo ka tshapita tshɛ. Opandjudi wakoka asale ɛnyɛlɔ ka yoho ya mɛnya anto dibuku. Tɛ onto tshɛ di’aha mbohɛ somba abuku wa mbisha anto lo wikɛndɛ ɔnɛ.
Osambu 48 ndo dɔmbɛlɔ dia ndjihelo.
Lomingu la Asase a Ndjoko 31
Etshumanelo ayɔlɔngɔsɔla ekongelo kawɔ lo ndjela ehomba awɔ ndo mbika epole ɔsɛkɛ l’olimu w’ambatshi mboka wa tshanda, watatetemala polo lo Yitshu.