Nsanganya Y’olimu Ya Ngɔndɔ Ka Dikumi
Lomingu la Ngɔndɔ ka Dikumi 6
Taahe 10: Waewoyelo. Ta waewoyelo wa l’Olimu Aso wa Diolelo.
Taahe 15: “Todje Akambo Woleki Ohomba lo Dihole dia Ntondo.” Wembola ndo ekadimwelo. Naka wonya wekɔ, sha kɔmatɛrɛ lo sawo diakatombe lo Réveillez-vous ! wa Ngɔndɔ ka Hende 22, 1987, lɛkɛ 8-9, di’ɔnɛ “Lɔnga Akambo wa Wɛ Mbetsha la Ntondo l’Ɔnɔngɔ.”
Taahe 20: “Tewoya Akina Sheke y’Ɔngɛnɔngɛnɔ wa lo Nkumbo.” Dako oma lo odingɔ 1 la 6-8. Diɛnyɛlɔ l’odingɔ 2-5. Tɛtɛ di’ohomba wa ndjasha tshɛ dia mbetɛ anto ambeki ndo dia kotsha oyango wa tatɛ mbeka l’anto Bible.
Osambu 107 ndo dɔmbɛlɔ dia ndjihelo.
Lomingu la Ngɔndɔ ka Dikumi 13
Taahe 5: Waewoyelo. Alapɔlɔ wa falanga.
Taahe 15: “Sɛdingwama oma le Jehowa: Lande na Kediɔ Ɔlɔlɔ?” Dako diakeketsha anto. Oma le ekumanyi.
Taahe 10: “Wekelo wa Bible Wakonya Anto Ambeki.” Dako.
Taahe 15: Ekumanyi akɛtshanya nde l’apandjudi wa tomanamana weka l’anto Bible, lo sawo dia “Nyokeketsha Ambeki dia Vɔ Ndjakimɔ le Nzambi ndo Batizama.” (km 7/96 dikatshi di’okotsha, od. 20-2)
Osambu 109 ndo dɔmbɛlɔ dia ndjihelo.
Lomingu la Ngɔndɔ ka Dikumi 20
Taahe 10: Waewoyelo ndo “Tokindjakindja Mbilo Kaso k’Otondo.”
Taahe 15: Tokambe la Bandɛ Video Dimɛna. Ohola alako wendana la woho wa kamba la bandɛ video yakatondja la Société ndo kɔndɔla awui amɔtshi wakasalema lo ngelo kanyu wɛnya woho wa kambaka la yɔ dimɛna, oyadi lo nkumbo kaso kana l’olimu w’esambishelo.
Taahe 20: Onde Sho Kambaka la Biukubuku L’école ? Ekumanyi kɛmɔtshi asɛdingole l’ambutshi ndo l’ana sawo dia lo Tshoto y’Etangelo (ya lo Falase) ya Ngɔndɔ ka Dikumi 1, 1985, lɛkɛ 30-1. Walembetshiya woho wakambawɔ la biukubuku L’école.
Osambu 112 ndo dɔmbɛlɔ dia ndjihelo.
Lomingu la Ngɔndɔ ka Dikumi 27
Taahe 15: Waewoyelo. Ohola dia onto tshɛ kimɔ alapɔlɔ ande w’olimu. Dia dianganya wa periodikɛ lo Ngɔndɔ ka Dikumi l’Ɔtɔi, tɛkɛta di’ohomba wa ‘sɛdinga mbilo kaso,’ ‘manyamanya periodikɛ yaso,’ ‘nɔngɔsɔla ɛtɛkɛta aso wa mbɔtwɛlɔ,’ ‘mbekesanɛ l’ɔtɛkɛtshi aso,’ ndo ‘kimanyiyana’ lo ndjela Olimu Aso wa Diolelo wa Ngɔndɔ ka Dikumi l’Ɔtɔi 1996, lɛkɛ 8.
Taahe 15: Woho wa Tatɛ Sawola l’Onto. Tena efula, dia sho pomɔ lokolo l’ɔlɔ l’esambishelo, sho pombaka monga la yewo ya tatɛ sawola l’anto asawo wâkeketsha. Naka sho mbeya mbuta dikambo dimɔtshi diakotola yambalo yawɔ, kete tambotenyanya bariyɛlɛ kɛmɔtshi koleki woke kahomana la so l’esambishelo. Tɛkɛta l’ampokami akambo woleki ohomba lo wekelo 16, odingɔ 11-14, lo Manuel pour l’École. Mbola apandjudi wa tomanamana weya tatɛ sawola l’anto esadi eto, dia vɔ mbuta ɛtɛkɛta akɔna watowotaka lo mbɔtwɛlɔ dia vɔ tɛkɛtsha (1) ambetshitshi l’ɔsɛsɛ, (2) pasase lo mutuka, (3) ose olimu kana kapita, (4) osombi a diangɔ kana onto lotanyiso lo dihole diemɛwɔ mituka (5) onto lodjashi l’okala dia mumuya, ndo (6) onto lokondjishaso lo telefɔnɛ dia sawola la nde.
Taahe 15: Totombole Olimu Aso. Ɔkɛtshanyelo l’ampokami lo dibuku Notre ministère, lɛkɛ 82-4. Mbola wembola ɛnɛ dia mbika epole ɔsɛkɛ l’akambo w’ohomba: (1) Ɛlɔlɔ akɔna wakondjaso lam’ayelaso ɛnyɛlɔ ka Yeso na? (2) Naa ohomba w’ɔkɛndɛ aso wa sambisha? (3) Kakɔna kakatosokoya dia sho kimɔ lɔsɛnɔ laso le Jehowa? (4) Naa lɔkɛwɔ lahomba monga l’onto lalanga kambɛ Nzambi? (5) Kakɔna kekaso oma lo yoho yakasambisha Yeso?
Osambu 121 ndo dɔmbɛlɔ dia ndjihelo.