Nsanganya Y’olimu Ya Ngɔndɔ Ka Ntondo
Lomingu la Ngɔndɔ ka Ntondo 4
Taahe 10: Waewoyelo. Waewoyelo w’oma l’Olimu Aso wa Diolelo. Naka nyakatshikitanya wenya wa mbɔtɔka nsanganya lo Ngɔndɔ ka Ntondo 1, kete ohola onto tshɛ dia tewoyaka anto wasambishanyu ekongelo k’oyoyo.
Taahe 15: “Tokambe Dimɛna l’Abuku w’Edjedja.” Wembola ndo ekadimwelo. Ta abuku w’edjedja wele lo lɔkɔtɔ lanyu. Ta akambo amɔtshi w’ohomba efula wele lɔkɔ ndo lembetshiya woho wa mbisha anto abuku akɔ. Keketsha apandjudi tshɛ dia vɔ mbisha anto abuku akɔ lo Ngɔndɔ ka Ntondo kɛnɛ l’esambishelo ndo lam’asambishawɔ lo tshakitudi. Nyotshe wɛnyɛlɔ ɔmɔtshi lo tshena pe dia mɛnya woho wa mbisha onto dibuku.
Taahe 20: Ɔsɔnwɛlɔ Wakatatshe Weyama le Lɛɛta dia Vɔ Tosakɛka aha la Tokaloya Dikila. (Etsha 15:28, 29) Dako oma le ekumanyi kakoka, lo ndjela kartɛ k’“Instructions médicales/Pas de sang.” L’ɔkɔngɔ wa losanganya, Ɛmɛnyi wambobatizama walanga wayolongola kartɛ k’oyoyo, ndo wanɛ wele l’ana weke akɛnda wahatabatizama wayolongola Carte d’identité ɔtɔi l’ɔna l’ɔna. Aha kilodia kam’akilongolanyu. Paka tokilodia dimɛna dimɛna la ngelo, koko AHA sinya kana mbika lohita lɔkɔ. Sinyatirɛ ya kanga kartɛ, lokombo l’ɛmɛnyi ndo datɛ tshɛ diayoyofundama lo kartɛ tshɛ l’ekomelo ka wekelo wa dibuku wayaye, l’ɛlɔmbwɛlɔ k’ɔnangɛso lalɔmbɔla wekelo. Ntondo ka sinya, yâshikikɛ ɔnɛ kakalodiama tshɛ. Wanɛ wasinya oko ɛmɛnyi pombaka mɛna la washo awɔ woho wasinya kanga kartɛ. Naka apandjudi wahatabatizama nangaka, ko vɔ funda awui awɔ hita ndo wendana l’anawɔ ko sunganya kɛnɛ kofundjiwɔ lo kartɛ la eongelo kawɔ ndo la dietawɔ diawɔ vamɛ. Anɔmbɔdi wa wekelo wa dibuku pombaka sala listɛ ko menda kana wanɛ tshɛ wele l’olui awɔ wambokimanyiyama dia ndodia kartɛ yawɔ.
Osambu 61 ndo dɔmbɛlɔ dia ndjihelo.
Lomingu la Ngɔndɔ ka Ntondo 11
Taahe 10: Waewoyelo. Alapɔlɔ wa falanga.
Taahe 20: “Yɛdikɔ Yakatɔshi ya Ndjela Mboka ka Jehowa.” Dako. Keketsha anto tshɛ dia mbɔtɔka lo nsanganya yakɔ tshanu yasalema l’etshumanelo lomingu la lomingu.
Taahe 15: “ ‘Tônge la Lotutsha.’ ” Ɔkɛtshanyelo l’asa ase nkumbo. Wekɔ lo mbuta nganɛ wokokiwɔ mɛnya lotutsha efula l’olimu awɔ. Sha ndo kɔmatɛrɛ yasungana y’oma lo Tshoto y’Etangelo ya Ngɔndɔ ka Samalo 15, 1995, lɛkɛ 12 (lo Falase).
Osambu 135 ndo dɔmbɛlɔ dia ndjihelo.
Lomingu la Ngɔndɔ ka Ntondo 18
Osambu 169
Taahe 5: Waewoyelo.
Taahe 10: Ehomba wa l’etshumanelo.
Taahe 15: “Emendji Watɔlɔmbɔla—Anɔmbɔdi wa Wekelo wa Dibuku.” Dako oma le ɔnɔmbɔdi ɔmɔtshi wa wekelo wa dibuku wele la lɔkɛwɔ l’ɔlɔlɔ. Avusole ɛkɛndɛ ande. Ɛnya woho wakimanyiya olimu ande dia etshumanelo pama ndo monga la lonyuma l’ɔlɔlɔ. Sha ndo kɔmatɛrɛ mɔtshi y’ohomba y’oma lo Organisés pour bien remplir notre ministère, lɛkɛ 43-5, 75-7.
Taahe 15: “Totate Mbeka l’Anto Bible lo Biukubuku Katɔlɔmba.” La wembola ndo ekadimwelo.
Osambu 197 ndo dɔmbɛlɔ dia ndjihelo.
Lomingu la Ngɔndɔ ka Ntondo 25
Osambu 201
Taahe 10: Waewoyelo.
Taahe 15: “Lofulo la Wenya Walɔmbawɔ Ambatshi Mboka Ambotshikitana.” Dako oma le ekumanyi. Andola ambatshi mboka wele l’etshumanelo ndo keketsha apandjudi efula dia vɔ kamba olimu w’ombatshi mboka wa tshanda la wa pondjo, la yimba ya sambisha efula lo Ngɔndɔ ka Sato, ka Nɛi la ka Tanu. Kamba ndo la tokanyi tele lo dikatshi di’okotsha di’Olimu Aso wa Diolelo wa Ngɔndɔ ka Sato 1997 la k’Enanɛi 1998.
Taahe 20: Onde Wɛ Sɛdingolaka Afundelo Lushi la Lushi? Dako ndo ɔkɛtshanyelo l’ampokami. Ɔnɔnyi tshɛ la Société tondjaka biukubuku Tɔsɛdingolake Afundelo Lushi la Lushi. Onde wɛ kambaka la biukubuku yakɔ dimɛna wɛmɛ kana lo nkumbo? Lembetshiya ɛlɔlɔ wayotokondja oma lo sɛdingolaka divɛsa dia lo Bible lushi tshɛ. Nyosha kɔmatɛrɛ y’oma l’ɛtɛkɛta wa mbɔtwɛlɔ wa Tɔsɛdingolake Afundelo Lushi la Lushi—1999, lɛkɛ 3-4. Lɔmba apandjudi dia vɔ mbuta weolo wa lânde wadjawɔ dia sɛdingolaka nshi tshɛ divɛsa dia lushi la lushi la kɔmatɛrɛ kadiɔ onto l’onto ndo lo nkumbo.
Osambu 225 ndo dɔmbɛlɔ dia ndjihelo.