Etshikitanu wendana la nsanganya ya l’atei wa lomingu

Ntatɛ oma lo lomingu la Ngɔndɔ ka divwa 3, Wekelo wa Bible wa l’etshumanelo wayɔsaka minitɛ 30 lo dihole dia minitɛ 25. L’ɛtɛkɛta wa mbɔtwɛlɔ, ɔnɔmbɔdi pombaka mbɔsa minitɛ ɔtɔi dia mvusola yema kɛnɛ kakekama lomingu l’etshi. Losanganya l’olimu layɔsaka minitɛ 30 l’ɔtɛ wa minitɛ 35. Hatotonga nto la etenyi ka waewoyelo. Naka diewoyelo kana waewoyelo amɔtshi wekɔ, kete ɔnɛ layosha etenyi ka ntondo mbayowasha. Mbala efula, waewoyelo angana ato mbakoka monga ohomba ndo bu ohomba mbewoya etshumanelo woho wayeta losanganya. Waewoyelo wendana la olimu w’esambishelo ndo la wɔmbɛlɔ wa Mbalasa hawohombe mbishama. (km 10/08 lɛkɛ 1, od. 4) Naka diewoyelo di’otale diayoshama, kete ayonga ohomba dia wanɛ wele la ɛkɛndɛ lo Losanganya l’olimu lushi lakɔ têyi la ntondo dia vɔ nsusa minitɛ yawɔ.