Bɛnyɛlɔ dia mbɔtwɛlɔ
(Numɛlɔ kele bu l’Ɔtɛtɛla ko nyu menda lo Falase)
Woho wa ntatɛ mbeka l’anto Bible Lushi la samalo la ntondo la Ngɔndɔ k’esambele
“Suke l’onto tshɛ lodjashi l’ɛtshi kaso ka nkɛtɛ, nangaka nsɛna pondjo pondjo l’ɔngɛnɔngɛnɔ. Diakɔ diele, sho nangaka mbeya kanyi yayɛ lo kɛnɛ kendana la dimbola nɛ: Onde wɛ fɔnyaka di’awui wa siansɛ kana w’aseka enganga wayokoka tosha lɔsɛnɔ la pondjo lushi lɔmɔtshi? [Tshikande akadimole.] Ohenda kɛnɛ kotami lanɛ.” Ɛnyande awui wele lo lohoso la l’ɔkɔngɔ wa Tshoto y’Etangelo ya Ngɔndɔ k’esambele 1 ndo nyɔsɛdingole kaamɛ awui wele lo dimbola dia ntondo ndo nyadia divɛsa dimɔtshi dioshilami. Shande periodikɛ, ndo nyokane etena kayoyokalola dia nyu ndjɔsɛdingola dimbola dikina.
Diewoyelo: Wɛnyɛlɔ ɔnɛ pombaka salema lo losanganya l’otsha l’olimu w’esambishelo la lo Ngɔndɔ k’esambele 6.
Tshoto y’Etangelo Ngɔndɔ k’esambele 1
“Anto efula wasawola la so wekɔ la ɔtɛmwɛlɔ awɔ hita. Koko, akina mbutaka ɔnɛ vɔ hawoyoyaɛkɛ lo ɛtɛmwɛlɔ. Kakɔna katayɛ lo dikambo di’ɔtɛmwɛlɔ? [Tshikande akadimole.] Yeso akɛnya kɛnɛ kakoka tokimanyiya dia mbeya ɔtɛmwɛlɔ wa mɛtɛ. [Adia Luka 6:44a.] Periodikɛ kɛnɛ mɛnyaka awui amɔtshi wa kɔlɔ wasalema l’ɛtɛmwɛlɔ. Tɔ kadimolaka nto dimbola diata ɔnɛ: Onde ndooko ɔtɛmwɛlɔ ɔmɔtshi wakokaso ndjaɛkɛ lɔkɔ?”
Réveillez-vous ! Ngɔndɔ k’esambele
“Tekɔ lo tembola asukanyi aso dia nsawola la wɔ lo kɛnɛ kendana la dui dimɔtshi diakiyanya anto efula, mbuta ate wɛngiya. Anto efula ndɔshanaka la wɛngiya lo ntɔmbɔkɔ. Onde wɛ fɔnyaka dia etshikitanu ɛmɔtshi koka salema oma l’ɔtɔmbɔkwɛlɔ? [Tshikande akadimole.] Tende lo Bible kɛnɛ kayela etshikitanu wa mɛtɛ la nkɛtɛ. [Adia Mateo 6:9, 10.] Periodikɛ kɛnɛ kadimolaka dimbola diata ɔnɛ: Onde ɔtɔmbɔkwɛlɔ kandolaka dikambo?”
Lokumu l’ɔlɔlɔ l’oma le Nzambi!
“Tekɔ lo tembola nkumbo ya lo shinga yanyu nyɛ dia mbaewoya tokanyi takeketsha t’oma lo Bible. Anto efula wambosawola la so wekɔ lo ndjambola woho wele Nzambi ka ngandji ekɔ lo ntshika asui lo andja ɔnɛ. Onde wɛ fɔnyaka dia asui waki lo sangwelo diaki Nzambi di’oma k’etatelo lo dikambo dia nkɛtɛ?” Tshikande akadimole. Oma laasɔ, tshɔka la nde lo wekelo 5, nyadia ndo nyɔkɛtshanya edingɔ ehende wa l’etatelo ndo avɛsa wa lolasha. Shande biukubuku yakɔ ndo nyookane lushi layoyokalola dia ndjɔsɛdingola la nde dimbola dikina diele l’alɛta w’edima.