Miliyɔ ya ditongami dia lo nyuma

Bible tetshaka dia ditongami dia lo nyuma diekɔ efula. Jehowa ndamɛ ekɔ nyuma.—Joani 4:24; 2 Kɔrɛtɔ 3:17, 18.

L’etena kɛmɔtshi, Jehowa aki ndamɛ l’andja. L’ɔkɔngɔ diko, nde akatatɛ ntonga ditongami dia lo nyuma dielɛwɔ ɔnɛ andjelo. Andjelo ndeka anto wolo ndo yimba. Jehowa akatonge andjelo efula. Danyɛlɛ okambi wa Nzambi akɛnyi lo ɛnɛlɔ miliyɔ nkama y’andjelo.—Danyɛlɛ 7:10; Hɛbɛru 1:7.

Nzambi akatonge andjelo asɔ la ntondo ka nde ntonga nkɛtɛ. (Jɔbɔ 38:4-7) Ndooko ɔtɔi l’atei awɔ lakasɛnɛ oko onto la nkɛtɛ ko ndjovɔ.