Tokambe Nzambi la “utema
ASE Juda ndo ambetawudi w’ase Wedja wakatshumana suke la ambeki waki Yeso Kristo. Aki lo difɛstɔ dia Pɛntɛkɔsta ndo angɛndangɛnda asɔ waki la Jerusalɛma wakaye etale efula oma la Rɔma ndo oma la Patiya. Olui w’anto ɔsɔ wakatɛkɛtaka ɛtɛkɛta wotshikitanyi. Koko, ambeki waki Yeso wakatɛkɛtaka la wɔ waki ase Ngalileya. Angɛndangɛnda amɔtshi wakambe efula wakambola ɔnɛ: “Ukundi wukasu untu l’untu ateketa oteketa asu wa luto?”—Etsha 2:8.
Ɔpɔstɔlɔ Petero akemala ndo akalembetshiya kiɔkɔ ya dihindo diakawɛnyi sɔ. Olui w’anto waketawɔ aha la tshimbatshimba. Nunu di’ambetawudi w’eyoyo wakabatizama! (Etsha 2:41) Kânga mbakahame etshumanelo esadi esadi, anto wa lɔkɔ wakatetemala monga kâmɛ. Luka ofundji wa Bible akate ate: “Embetawudi waki la utema otoi.”—Etsha 4:32.
Nunu di’anto wakabatizama lo lushi la Pɛntɛkɔsta ka lo 33 T.D. wakakombolaka dia tshikala edja la Jerusalɛma dia mbeka akambo efula wendana la dietawɔ diawɔ di’oyoyo. Koko, vɔ kondjalɔngɔsɔla dia ndjotshikala edja. Omalɔkɔ, Akristo wakasanganya yema ya dikuta dia mbakimanyiya. Ambetawudi amɔtshi wakasondja diangɔ diawɔ la lolango lawɔ ndo wakasha apɔstɔlɔ falanga dia vɔ kahɛ wanɛ waki lo dihombo. (Etsha 2:42-47) Ande yimba ya ngandji ndo ya lokaho yakawɛnya lee!
Akristo wa mɛtɛ mongaka nshi tshɛ la yimba ya ngandji ndo ya lokaho ya ngasɔ. Ɛlɔ kɛnɛ, etshumanelo k’Akristo kekɔ lo tetemala kambɛ Jehowa lo kâmɛ “l’utema otoi.” Akristo wele la lokaho kimɔka wenya awɔ, wolo awɔ ndo falanga yawɔ dia sambisha lokumu l’ɔlɔlɔ ndo dia tɔla wahɔ wa Diolelo diaki Nzambi otsha la ntondo.—Enda kiombo yele l’ɔtɛ a dui ɔnɛ: “Toho takimɔ anto amɔtshi weshasha.”
[Kiombo ya lo lɛkɛ 6, 7]
TOHO TAKIMƆ ANTO AMƆTSHI WESHASHA
DIA SUKƐ OLIMU WA L’ANDJA W’OTONDO
Anto efula mombaka yema ya dikuta dia todja lo tɔshɛtɛshɛtɛ tofundami ɔnɛ: “Olimu wa l’andja w’otondo.”
Ngɔndɔ tshɛ tshumanelo tomɛka Bɛtɛlɛ k’Ɛmɛnyi wa Jehowa ka lo wodja awɔ falanga shɔ. Falanga shɔ pombaka tomama mbala kakɔ ɔtɔi lo lokombo la Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483. Onto lalanga kimɔ falanga koka nto ndjitoma lo Bɛtɛlɛ ka lo wodja wende kana toma shɛkɛ lo adrɛsɛ wa la diko ongo ndo funda lokombo “Watchtower.” Onto koka kimɔ dɛngalɛnga kana diangɔ dikina di’oshinga wolo oko woshasha. Onto lakimɔ diangɔ sɔ pombaka funda yema ya mukanda yɛnya dia ekɔ woshasha.
YƐDIKƆ YENDANA LA ƆSƆNDJƐLƆ WA FALANGA
Onto koka sɔndja Watch Tower Bible and Tract Society of Pennsylvania falanga dia sukɛ olimu wa l’andja w’otondo. Koko naka nde oyiyanga, kete wayowokaloyayɔ. Dia mbeya awui efula lo dikambo sɔ, fundɛ Biro waki Omombi wa falanga ndo toma mukanda akɔ lo adrɛsɛ wa la diko ongo kana telefɔnɛ lo numɛlɔ kɛnɛ (718) 560-7500.
WEHO EKINA WAKIMƆMA WESHASHA DIA SUKƐ ƆTƐMWƐLƆ
Lâdiko dia kimɔ falanga, ekɔ nto toho tokina takimɔma weshasha dia sukɛ olimu w’esambishelo ka Diolelo wasalema l’andja w’otondo. L’atei wa toho takɔ mbele ndo:
Asiransɛ wa lɔsɛnɔ: Onto mbeyaka mbuta dia Watch Tower Bible and Tract Society of Pennsylvania mbɔsaka falanga yande ya pasiɔ kana yahomba lɛɛta mbofutaka.
Kɔntɛ ya lo bankɛ: Onto mbeyaka mbuta dia l’ɔkɔngɔ wa nyɔi kande ko vɔ mbisha Watch Tower Bible and Tract Society of Pennsylvania falanga yande yele lo bankɛ lo ndjela kɛnɛ kalɔmba bankɛ kawɔ.
Diangɔ diakatômbe kana falanga yokolami lɛɛta: Onto mbeyaka mbisha Watch Tower Bible and Tract Society of Pennsylvania lotshungɔ la kamba la diangɔ diakandômbe kana falanga yande yokolami lɛɛta.
Lokombo kana luudu: Onto koka mbisha Watch Tower Bible and Tract Society of Pennsylvania lokombo kana luudu lande ndo naka lɔkɔ mbodjashinde kete nde mbeyaka mbuta dia Watch Tower Bible and Tract Society of Pennsylvania ndjoliɔsa l’ɔkɔngɔ wa nyɔi kande ndo tosinya mikanda laka lɛɛta dia lolango lande nɛmiyama.
Tɛstama: Onto koka sala tɛstama ketawɔma le lɛɛta dia mbisha Watch Tower Bible and Tract Society of Pennsylvania lotshungɔ la ndjɔsa diangɔ kana falanga yande l’ɔkɔngɔ wa nyɔi kande.
Dia kimɔ weho wa weshasha ɛsɔ nɔmbamaka dia onto lakimɔ takanyiyisha dimɛna dimɛna la ntondo.
Dia mbeya awui akina lo kɛnɛ kendana la kimɔ weho wa weshasha ɛsɔ, fundɛ Ɛmɛnyi wa Jehowa lo adrɛsɛ wele l’ɛse kana elɛ Bɛtɛlɛ ka lo wodja anyu lo telefɔnɛ.
Watch Tower Bible and Tract Society of Pennsylvania
100 Watchtower Drive
Patterson, New York 12563-9204
Telefɔnɛ: (845) 306-0707