Bible Atatɔ?

Ele Diabolo?

ONDE WƐ AYOTA wate Diabolo ekɔ . . .

• Onto la lo nyuma?

• Didjidji di’akambo wa kɔlɔ wele l’etei k’onto?

• Onto ɔmɔtshi la lɔfɔnya?

KƐNƐ KATA BIBLE

Diabolo akasawola ndo “akahembe” Yeso. (Mateo 4:1-4) Diakɔ diele, Diabolo bu onto la lɔfɔnya kana didjidji di’awui wa kɔlɔ. Nde ekɔ onto la kɔlɔ la lonyuma.

NAA AWUI AKINA WAKOKASO MBEKA OMA LO BIBLE?

• L’etatelo Diabolo aki ondjelo w’ekila, koko “nde koshikikala lo mɛtɛ.” (Joani 8:44) Nde akayokomaka kanga kashi ndo akayɔtɔmbɔkwɛ Nzambi.

• Andjelo akina wakayoyelaka ɔtɔmbɔkwɛlɔ waki Satana.—Ɛnyɛlɔ 12:9.

• Diabolo ekɔ lo mbetɛ anto efula totshungu l’edja tshɛ kekende la lɔsɛnɔ.​—2 Kɔrɛtɔ 4:4.

Onde Diabolo koka nɔmbɔla anto?

ANTO AMƆTSHI MBUTAKA dia ɛlɔmbwɛlɔ kaki Diabolo kekɔ ka kashi, kaanga mbele anto amɔtshi mbokaka wɔma dia mbahemamɛ oma le nyuma ya kɔlɔ. Ko wɛ atayɛ?

KƐNƐ KATA BIBLE

“Andja w’otondo wekɔ lo nɔmbɔma oma le kanga kɔlɔ.” (1 Joani 5:19) Diabolo ekɔ la shɛngiya y’efula le anto, koko nde halɔmbɔla anto tshɛ.

NAA AWUI AKINA WAKOKASO MBEKA OMA LO BIBLE?

• Diabolo kambaka la ɔkɔmwɛlɔ dia mfudia shɛngiya yande.​—2 Kɔrɛtɔ 11:14.

• Nyuma ya kɔlɔ koka nɔmbɔla anto lo tena dimɔtshi.​—Mateo 12:22.

• Oma l’ekimanyielo ka Nzambi wɛ koka ntondoya dia ‘ndɔshana la Diabolo.’​—Jakɔba 4:7.