Ngɔndɔ ka laande dikambo di’esambishelo
1 Onde wɛ ayetɛ Diɛla woke ngɔndɔ ka laande dikambo di’esambishelo oka? Ondo ayonga ohomba le yɛ dia tshikitanya mbekelo yayɛ, koko ɛlɔlɔ watomba omalɔkɔ hawoleki oka?
2 Apandjudi amɔtshi wambobatizamaka, wa l’atei w’akɛnda, wayonga lo vakashi ya kalasa, ndo wayolanga kamba olimu w’ombatshi mboka wa tshanda lo Diɛla woke. Vɔ wayokeketshama mɛtɛ naka dikumanyi, akambi w’olimu l’apandjudi akina sambisha kamɛ lawɔ. Naka wɛ kema la diaaso dia ndjâla ombatshi mboka lo Diɛla woke, onde wɛ hakoke nyomoleka mbetsha yema ya wenya l’olimu kamɛ la wanɛ wele ambatshi mboka oka? Naka nyayosala ɔsɔku, kete lo weoho tshɛ nyayokeketshanaka tena la tena.
3 Naka apandjudi tshɛ mbidja wolo dia nyomoleka kamba, kete dikumanyi mbeyaka nɔngɔsɔla randevu w’esambishelo lushi tshɛ lo edja ka nshi y’afɛstɔ; ɔnkɔnɛ wanɛ wele la diaaso dia ndjâla ambatshi mboka wayokondjaka onto lasambisha lawɔ nshi tshɛ.
4 Ɔnɛ ele etena kakanyiya, oyadi lo kɛnɛ k’endana l’onto ndamɛ la k’endana la nkumbo kana k’endana l’etshumanelo, dia mbetɛ Diɛla woke ngɔndɔ ka laande dikambo di’esambishelo.