Oshinga wele la Bible lo andja wa nshi nye
1 Le anto efula ɛlɔ kene, Bible ambeta lowe ndo kema mete. Kânga mbele Bible eko dibuku diamboleka kokane ndo diambokadimoma efula l’okondo w’onto, anto tshitshe ato mbakiadia, ndo tshitshe efula nto lawo mbayela alako a loko.
2 Koko, le so, sho mbosaka Bible l’oshinga a wolo, mbokiosaka oko Dui dia Nzambi. Akambo w’eshika menyaka one lo kene k’endana l’ekondo, Bible mbutaka mete. Lo wedi okina, diotonwelo di’enama lo Bible, awui w’amvutshi watanema loko, lomba lato ndo woho one wasokoyato anto dia vo ntsha kene kele ololo mbishaka djembetelo y’one Bible “akasambiyama oma le Nzambi.” (2 Tim. 3:16, NW) Tasokoyama oma lo diewo diakiso shoameme ndo oma lo eokelo ka losaka ka woshasha ako wa diambo efula, sho pombaka keketsha anyaso dia vo nyanga dia kondja diewo di’oshinga a mete wele la Bible.
3 Kokaka tatɛ la teketsha anto onkone:
◼ “Lo menda paa y’efula y’ena anto, efula k’anto mbokaka wolo mbetawo one Nzambi eko. Esango emotshi vo ndjambolaka dia kana Nzambi eko l’akoka wa shidiya ekakatanu aso. Ko we akanyiɛ dia dikambo so na? [Tshikɛ onto ako dihole akadimole.] Ohenda ote a dui wa kiatshikatshi nye: Pourquoi avoir confiance en la Bible.” Tɛ̂nya osato wele lo lohoso, ndo tâdia palagalafe hiende ya ntondo yele lo lɛkɛ 2. Naka onto menyaka woho wayashande, sho kokaka mbadia ndo mɔmbɔla tovɛsa toshilami lo palagalafe kahende. Tôse tediko dia kalola nto woho wa ndjotetemala la sedingola tenyi dia kiatshikatshi diakatshikala, esango emotshi lo ndjakimanyia la ote a dui wahonyi l’efonelo ka dimbola dia mbetola saki kaki oteketshi aso.
4 Kokaka sho ntsha nto woho one:
◼ “Onde we hafonya di’anto weko l’ohomba w’alako dia vo ndoshana l’asui wa lo loseno? [Tshikɛ onto ako dihole akadimole.] Nshi ya ntondo, anto wakayangaka elombwamelo lo Bible, koko tena diambotshikitana. Onde we fonyaka dia ɛlɔ kene oshinga wele la Bible ambotomba seke? [Tshikɛ onto ako dihole akadimole.] Ohenda kene kofundami lo 2 Timote 3:16. [Adia tshapita yako.] Dui diaki Nzambi diofundami tokimanyiaka aha dia mbosa adesiziɔ a lomba ato, koko toshaka nto dikongelo dia mete lo kene k’endana la nshi yayaye.” Adia Joani 17:3. Naka oteketshi aso nangaka l’ololo tshe kene kataso, tôwenya kanyi tshoi kana tohende tayotosonola oma lo dibuku La Bible: Parole de Dieu ou des hommes? dia mbowenya oshinga a mete wele la Bible.
5 Ondo ayonga ohomba wa mbosa tokanyi lo mbɔtwɛlɔ motshi yatanema l’akatshi 10 la 11 ya lo dibuku Comment raisonner, lo ote a dui “Bible⁄Dieu.” Tokanyi tokina tayonyokimanyia dia kadimola lo wembola w’anto kana lo tâmu tele lawo tanemaka lo akatshi 51 polo 60.
6 Losha la Traduction du monde nouveau: Naka onto ambokiama ɔlɔ lo wetelo wa mbala ka ntondo kana lo diembwelo di’oyoyo, kokaka sho menya Traduction du monde nouveau. Kokaka we mumbola onto ako kana nde eko la Bible ndo kana kema wolo le nde dia kiadia. Lo ndjela okadimwelo ande, enyande emotshi a l’atei a waho wele la Traduction du monde nouveau. Kokaka we ntɛtɛ lo kene k’endana la kanyi tshoi kana tokanyi tohende ta l’akatshi 408 polo 411 wa lo dibuku Comment raisonner.
7 Tohandjake oseka diaaso tshe diayonga laye dia keketsha anto woho wa vo mbadia Bible. Lakanya anto wele l’etema w’ololo dia vo nenya ndo nanga Dui diaki Nzambi dialofundama. Lam’akotshawo alako ande lo nseno yawo ndo lam’akondjawo diewo dia mete, vo wayokondja engenongeno w’efula, tatɛ kakiane polo ndo lo nshi yayaye.—Osam. 119:105.