Waewoyelo
◼ Ekanda wayotokahɛ anto lo Tshango: Traduction du monde nouveau ndo dibuku dielɛwɔ La Bible : Parole de Dieu ou des hommes ? Yâta Afusa: Dibuku tshɛ diatanema l’etshumanelo diele la ndjɛkɛ 192 ndo diakatombe la ntondo k’ɔnɔnyi 1984. Tshumanelo diele bu l’abuku asɔ kawɔshi Comment assurer votre survie et hériter d’une nouvelle terre. Asase a Ndjoko: La Révélation : le grand dénouement est proche ! Mɔmbi: Sheke y’Ɔngɛnɔngɛnɔ wa lo Nkumbo.
◼ Tshumanelo kawɔshi tɛdikɔ tasungana dia sala losanganya la Eohwelo ka nyɔi ka Yeso, losanganya lɔsɔ layosalema ɔnɔnyi ɔnɛ, Lushi la Lomingu, lo ngɔndɔ k’Asase a Ndjoko 23, l’ɔkɔngɔ wa ɛɔtwɛlɔ ka wonya. Lam’ele ndoko losanganya lokina layosalema lushi lɔsɔ, onyake paka losanganya l’otsha l’olimu w’esambishelo, etshikitanu wahombama pombaka salema dia wekelo wa Tshoto y’Etangelo salema l’etena kekina. Emendji w’etshimbedi pombaka, ndo vɔ lawɔ, tshikitanya ekongelo kawɔ lomingu lɔsɔ lo ndjela akambo wa l’etshumanelo kende. Ekɔ ɔlɔlɔ di’etshumanelo tshɛ mbɔtɔ losanganya latɔ lânde dia sala Eohwelo ka nyɔi ka Yeso, kânga mbele aha nshi tshɛ mbatosalemaka dikambo sɔ. L’ahole wele tshumanelo efula mbɔtɔka lo Mbalasa ka Diolelo ɔtɔi, ondo ayokoka etshumanelo ɔtɔi kana tshumanelo efula mbɔtɔ lo ahole akina la dikɔlɔ sɔ. Eohwelo ka nyɔi ka Yeso hahombe ndjosalema l’otsho w’efula, nɛ dia eyoyo watokoyoka ndo nkɛlɛ. Lâdiko dia lâsɔ, wenya wahomba etshumanelo l’etshumanelo sala losanganya lawɔ hahombe monga ma ma ko etena ndjoyala bu efula dia mbisha eyoyo mɔyɔ, kimanyiya anto amɔtshi lo nyuma ndo keketshana onto la onyande. L’ɔkɔngɔ wa vɔ sɛdingola akambo tshɛ dimɛna dimɛna, dikumanyi wayɔsa tɛdikɔ dia sala kɛnɛ kasungana dia wanɛ tshɛ wayɔtɔ lo losanganya la Eohwelo ka nyɔi ka Yeso kondja wahɔ efula oma lɔkɔ.
◼ Lam’ele ɔsɔ ayonga dikambo dia woke efula, olui wa dikumanyi pombaka sɔnɔla ɔmɔtshi a l’atei w’atɛkɛtshi (kana ambahemi a loseke) wa tomanamana dia nde mbisha dako dia lo losanganya lakɔ, koko aha sɔna onto ɔmɔtshi mbala kɛnɛ, ko okina mbala kayaye, ko tengɔnyaka ngasɔ oto l’ɔnɔngɔ, kana mbɔsaka paka ɔnangɛsɔ akɔ ɔtɔi ɔnɔnyi tshɛ.
◼ Lo 1998, losanganya la Eohwelo ka nyɔi ka Yeso layonga Lushi la Samalo, ngɔndɔ ka Mɔmbi 11, l’ɔkɔngɔ wa ɛɔtwɛlɔ ka wonya. Datɛ sɔ diambewoyama la ntondo dia tshumanelo talɔngɔsɔdi ahole wa ndjosala losanganya lakɔ kana tafute mvudu kina lo ahole wele tshumanelo efula mbɔtɔka lo Mbalasa ka Diolelo kakɔ ɔtɔi, ko paka ndjoyangaka ahole akina l’etena kakɔ.
◼ Dako dia lânde diakalɔngɔswama dia mbishama l’etena ka Eohwelo ka nyɔi ka Yeso diayoshama Lushi la Lomingu, Mɔmbi 6, 1997. Tshumanelo diayonga la lomingu lawɔ l’ɛtshɔkɔ l’etena kɛsɔ, losanganya l’otshimbedi kana losanganya lotshikitanyi la lushi ɔtɔi, diayohokamɛ dako diakɔ lomingu layela. Ndoko etshumanelo kahomba mbisha dako sɔ la ntondo ka Mɔmbi 6.
◼ Ekanda w’eyoyo wamboya:
Pourquoi adorer Dieu en amour et en vérité ? (biukubuku ya woke).
Louons Jéhovah par nos chants —Lingala.
Les Écritures grecques chrétiennes — Traduction du monde nouveau —Swahili.
◼ Bandɛ y’eyoyo yamboya:
Faisons ce qui est droit aux yeux de Dieu —Falase (bandɛ-kasɛtɛ)
Jusqu’aux extrêmités de la terre —Falase (bandɛ ka video)
Nkembo ya Diolelo (yakembama la dihomahoma) —Falase
◼ Lo losanganya l’olimu la Tshango 6, pombaka mbisha opandjudi tshɛ wambobatizama kartɛ kelɛwɔ ɔnɛ: “ Instructions médicales — Pas de sang “ ndo kartɛ kina y’anawɔ.