Dibuku diasha elombwamelo k’oshika
1 Lo eleko ka 20 kene, andja ambokadimo woho wahakoke mbokɛ. Kânga mbambowohama efula l’akambo wa mbewoyana sango, l’akambo w’enganga ndo wa wêteto wa l’awoka, fɛlɛ kema lo kene k’endana l’olanelo wa loseno la nkumbo. Miliyo efula y’anto ndjakimoka dia nombwama oma lo dikanyikanyi kana tomba t’anto tatakadimo paka kadimo tsho.
2 Kânga mbele andja one weko lo takadimo esadi esadi eto, ekambi waki Jehowa kondjaka engenongeno efula lam’amamemawo Dui diande. Omaka nunu ko nunu di’enonyi, Bible hakadimoka, ndo alako wa loko wokôngaka nshi tshe ohomba dia ndosha asui wa nshi nye. Woho akona wakoka anto wele l’etema w’elolo kimanyiama dia vo mpoto one Bible mbishaka elombwamelo k’oshika lo tena diaso ne na?
3 Naka mbala ka ntondo takatshike kiatshikatshi “Pourquoi avoir confiance en la Bible,” etena kayotokalola, sho kokaka mbuta one:
◼ “Bible toteka hwe dia: diewoyelo di’oma le Nzambi mbedio ndo Nzambi ayotosha loseno la pondjo naka sho monga la mbetawo lo eteketa ande ndo mbâlenya; onde we fonyaka di’eko ohomba nshihodia waewoyelo aso? [Tshikɛ onto ako dihole akadimole.] Ohenda kene kakewoya Bible dikambo dia dikonge di’akambo dia nshi nye. [Adia 2 Timote 3:1-5 lo lɛkɛ 5 la kiatshikatshi yako.] Oko akanaye, onde kene kolembetshiami lane mendanaka la andja wa nshi nye? [Tshikɛ onto ako dihole akadimole.] Onde okoko omotshi w’ololo wahomba tosha dikongelo di’one awui amotshi w’ololo wayonga lo nshi yayaye weko?” L’okongo diko, sho kokaka mbika etshina ka diembwelo di’oyoyo lo sedingola palagalafe hiende y’ekomelo ya lo kiatshikatshi yako kana lɛkɛ 161 la dibuku La Bible: Parole de Dieu ou des hommes? lo ntɛtɛ dikambo dia dikongelo dia dimena efula diasha Bible anto.
4 Naka solo di’onto diakakɛtshama oma lo oshinga wa mete wele la Bible, ndo takatondja alako w’eshika wa lo tshapita 12 ya dibuku “La Bible: Parole de Dieu ou des hommes?,” sho kokaka mbuta onkone:
◼ “Sho ndjashaka lo kene k’enaso one eko ohomba mete le so, onde aha osolu oka? Onde we hafonya di’eko ohomba kumiya ata? [Tshikɛ onto ako dihole akadimole.] Naka anto wayeka dia sena lo woladi vo la wane wa lo wedja ekina, ayohomba monga etatelo k’ololo, onde we mbetawoka dikambo so oka? [Tshikɛ onto ako dihole akadimole.] Kam’akate Bible aso. [Adia Isaya 2:2, 3.] Onde we atayambolaka woho akona ndo etena kakona kayosalema akambo aso oka?” Tolembetshiya onto ako dia sho kombolaka tetemala la sawo lo etena k’ongenyangenya.
5 Naka “Traduction du monde nouveau” mbakatatshike, lam’ayotokalola, tayokoka mbuta onkone:
◼ “Lam’akadia Bible kakamakotshikɛ, ondo esango emotshi we akenyi dia Bible kambaka olimu la lokombo la hita laki Nzambi omak’etatelo polo ndo l’ekomelo. Eko olongoswelo w’ololo lo mbedinya la ekadimwelo ekina efula wa Bible. Kânga mbêngenga anto amotshi dia kamba olimu la lokombo Jehowa, sho pombaka nama lo lomba laso dia aya edja efula, nde akewoya lokombo lande ndo akakeketsha ekambi ande dia vo kamba a lo olimu woho wa lo mbotone la Nzambi ka mete ka sena. Enda oko akafunde omembi w’esambu lo Osambu 83:18, NW.” Adia vɛsa yako, ndo tshikɛ onto ako dihole dia nde kadimola. Lo ndjela waho wayond’enya, kokaka mbosha tokanyi tokina t’oma lo ote a dui “Jéhovah,” wotate lo lɛkɛ 195 la dibuku Comment raisonner.
6 Onyake paka Bible mbasha elombwamelo kele l’onto la dihombo. (Jer. 10:23) Wekelo wa Dui dia Nzambi eko otoi a mboka wakimanyia dia mbishola eyango ande ndo dia kondja ololo ande. Têle anyaso l’osalosalo tshe dia vo lawo kondja waho w’alako a lomba ndo wa mete watanema loko.