Tɔlɔngɔsɔlɛ Losanganya L’eohwelo Ka Nyɔi Ka Yeso
Onde onto l’onto, djekoleko ombahemi a loseke, mbeyaka wonya ndo dihole shikaa diayosalema Eohwelo ka Nyɔi ka Yeso? Onde ombahemi a loseke mbeyaka ɔnɛ losanganya lɔsɔ hakoke ndekana taahe 45?
Onde wambɔsɔnaka onto ɔmɔtshi dia nde kimɔ mapa la vinyɔ? [Enda lo Tshoto y’Etangelo ya Yâta Afusa 15, 1990 (lo Falase), lɛkɛ 16-18] Onde wakatɛ onto ɔmɔtshi dia nde kitsha mɛsa la dihɔndɔ dia pudipudi ndo tɔvɛrɛ l’alɔnga wahombama?
Onde wakɔshi yɛdikɔ dia sola kana mɔmba Mbalasa ka Diolelo la ntondo ndo l’ɔkɔngɔ wa losanganya l’Eohwelo? Onde wakasɔnɛ wanɛ wayolongolaka anto ndo wanɛ wayokamba olimu? Onde wakɔtɔ losanganya l’anangɛso asɔ dia mbatɛ ɛkɛndɛ awɔ shikaa? Ngande wayowosala dia mapa la vinyɔ mbeta l’anya w’anto tshɛ?
Onde tɛdikɔ takɔsama dia kimanyiya anangɛso l’akadiyɛso waya esombe kana wele la dikɔmɔ dia vɔ mbɔtɔ lo losanganya l’Eohwelo? Naka kadiyɛso kɛmɔtshi kana ɔnangɛso ɔmɔtshi l’okitami ekɔ lo funda lo ntange ndo hakoke ndja lo losanganya l’Eohwelo, onde yɛdikɔ yakɔsama dia sala tshɛ dia towosha mapa la vinyɔ?