Kɔlamelo Mongaka La Difuto
1 Lo Heberu 11:6 sho mbadiaka ɔnɛ Nzambi “keli ufutshi a wane watûyangaka.” Ɛnyɛlɔ, nde futaka ekambi ande wakayakimɔ le nde wele la ‘kɔlamelo lo diangɔ tshitshɛ’ lo ‘mbâkitsha lâdiko dia diangɔ efula.’ (Mat. 25:23) Mbuta ate, Jehowa tofutaka Ɛmɛnyi ande wa kɔlamelo oma l’olimu awɔ w’ɔlɔlɔ lo mbashaka waɛsɛ akina w’olimu.
2 Oko difuto lo kɔlamelo yande, ɔpɔstɔlɔ Paulo akakondja olimu wakôkonya lo takindolaka l’esomba ndo lo wa ngelo ya l’Erɔpɛ ndo ya l’Asie Mineure. (1 Tim. 1:12) Kânga mbakandahombe mbidja weolo efula dia nde kotsha olimu ande dimɛna, Paulo akɔsaka diɛsɛ sɔ diakandakondja la nɛmɔ efula. (Romo 11:13; Kol. 1:25) Oma l’olimu ande w’etete, nde akatondja mbetawɔ kande sɛkɛ oma l’etsha. Ɛnyɛlɔ kande tokeketshaka dia sho mbɔsaka waɛsɛ aso w’olimu la nɛmɔ di’efula.
3 Jehowa Akatosha Olimu: Ngande wɛnyaso ɔnɛ sho mbɔsaka difuto, ndo diɛsɛ sɔ, oko akadiɔsaka Paulo na? Sho nyangaka toho ta nyomoleka kamba olimu ɔsɔ efula. Sho kambaka la diaaso tshɛ dia sambisha lo tshakitudi ndo lo luudu la luudu. Sho kalolaka dia tenda wanɛ tshɛ wahongi lawɔ ndo membolaka anto wakɛnyisha saki. Ndo nto, sho nɛnyaka randevu wɔsaso l’anto dia mbeka la wɔ Bible.
4 Lo kɛnɛ kendana l’olimu wa sambisha, Paulo akatolake ate: “Utetemalaki mbatela.” (2 Tim. 4:2) Etete kɛdikɛdi shambu ya mbika epole ɔsɛkɛ lo dikambo dimɔtshi. Onde sho tekɔ l’etete l’olimu aso lo mbodjaka lo dihole dia ntondo lo lɔsɛnɔ laso? Ɛnyɛlɔ, sho hatotolanga tshika tɔkɛnyɔ kana elimu aso ekina wa lo wikɛndɛ toshishɛ wenya wahombaso sambisha. Lam’ele sho mbeyaka ɔnɛ ekomelo ka dikongɛ nɛ kekɔ lo ndjasukana esadi esadi, tekɔ l’eshikikelo ɔnɛ esambishelo ka lokumu l’ɔlɔlɔ la Diolelo mbele olimu woleki ohomba wokokiso kamba.
5 Kɔlamelo yaso le Nzambi mɛnamaka nto oma lo etete kele laso l’olimu wakandatosha. Nyɛsɔ tokambe olimu aso l’ɔlɔlɔ tshɛ ko Jehowa ayotofuta efula oma lo kɔlamelo yaso.