Tokambe La Tobukubuku Dia Kotola Yambalo Ndo Munanda Otema W’onto
1 Sɔlɔ ka lo Bible pombaka ndakanyɛma lo woho wa kotola yambalo ndo munanda otema w’onto. Lam’akalakanyaka Yeso anto sɔlɔ, nde akasɔnaka akambo wakângɛnyangɛnyaka ampokami ande ndo wakâtshutshuyaka. (Luka 24:17, 27, 32, 45) Dia sho kamba olimu aso dimɛna, sho pombaka mbidja weolo dia mbeya ehomba wa lo nyuma w’ampokami aso.
2 Tobukubuku kokaka monga dihomɔ dia wolo efula dia kotola yambalo ndo munanda etema w’anto wahomana la so l’esambishelo. Totakanyiyisha ntondo onto akɔna ayetawɔ losango lele lo biukubuku la biukubuku yayotowasha lo Ngɔndɔ ka divwa:
—Onde na Nzambi Tokaneka Mete Ondo? Anto wele bu l’ekondjelo kana wele l’ekakatanu wa wolo wayɔngɛnangɛna losango l’ekeketshelo lɔsɔ lendana la nshi yayaye yahonga l’asui.
—Quel est le but de la vie ? Comment le découvrir ? Ɛlɔngɔlɔngɔ l’esekaseka wakanyiya dimɛna lo dikambo dia nshi yawɔ yayaye wayokondja ɛlɔlɔ oma l’ekadimwelo washa Bible wayowotana lo biukubuku nyɛ.
—Nyudjase pundju l’ongenongeno la kete! L’ekimanyielo ka lokema l’esato la avɛsa woshilami lɔkɔ, ana w’akɛnda la anto wahaleke mbeya mbadia wayeya asangwelo wa Nzambi.
—Diulelu ne diayela Paradisu. Onto tshɛ lakamba elimu wendana l’ɔlɔngɔswɛlɔ kana la lɔsɛnɔ la tshunda di’anto ayokoka kotwama la losango l’ɔnɛ Diolelo dia Nzambi ayoshidiya ekakatanu tshɛ w’anto.
—Etena Kavɔ Onto Ɔmɔtshi Lalangayɛ. . . Anto efula wasondja abaya w’edo la wanɛ watshima waombo ngɛnangɛnaka monga la tobukubuku tɔnɛ kambe dia ndjoshaka wanɛ wambovusha onto awɔ. Apandjudi wasambisha la waombo kambaka la biukubuku yakɔ dia samba wanɛ wambovusha. Akadiyɛso ahende wakasawola la nkumbo kɛmɔtshi k’anto esambele wakasambɛka la ntondo ka diombo dimɔtshi. Vɔ wakâsambisha awui washa ekeketshelo wele lo biukubuku yakɔ, ndo wakayotatɛka mbeka la nyangɛwɔ la wedi a pindju.
—Onde Wɛ Pombaka Mbetawɔ Losato l’Osanto? Onto laleka ndjasha l’awui a Nzambi kokaka mbetawɔ sɔlɔ kɛnyami lo biukubuku nyɛ yakawatshe eyangelo efula yatɛkɛta dia wetshelo w’etshina wa lo Lokristokristo.
3 Tomanyamanya tobukubuku tɔnɛ tshɛ ndo tokanyiya woho woleki dimɛna wa sho kamba la tɔ lo mbilo. Tovusole mbɔtwɛlɔ y’asawo yoshawɔ lo lɛkɛ la ndjihelo l’Olimu Aso wa Diolelo wa Ngɔndɔ k’Enanɛi 1998. Jehowa atshɔkɔlɛ weolo aso dia kotola yambalo ndo munanda etema w’anto!—Mako 6:34.