Tohandjole Lokumu L’ɔlɔlɔ La Diolelo L’ekimanyielo Ka Tobukubuku
1 Ande ɔlɔ wa mbeya mɛtɛ ndo monga l’atei w’apandjudi wa lokumu l’ɔlɔlɔ wele l’ohetoheto lee! Anto wele bu l’ɔlɔngɔswamelo wa Nzambi wekɔ l’ohomba wa mamba wa lokumu l’ɔlɔlɔ la Diolelo. Mɛtɛ k’endana la Diolelo nembetshiyama aha l’okakatanu lo tobukubuku Nyudjase pundju l’ongenongeno la kete! “Voici, je fais toutes choses nouvelles” la Diulelu ne diayela Paradisu. Tɔ nembetshiyaka oko tekɔ la lɔsɛnɔ la nkɛtɛ la tshina dia lowandji la Diolelo diaki Nzambi ndo, oko wɛnya Dui Diande, tɔ nɔmbɔlaka ambadi dia vɔ mɛna ɔnɛ Diolelo diekɔ dui dia mɛtɛ. Nshi tshɛ, tshikɛ onto lɛnya saki biukubuku ekɔ paka etatelo. (1 Kor. 9:23) Tokalole esadi dia tenda anto wakalongola biukubuku mɔtshi, l’oyango wa mbasɛngɔla dia mbeka la wɔ Bible l’ekimanyielo ka dibuku Ewo Katɔla Otsha lo Lɔsɛnɔ la Pondjo. Ngande wayotokoka sala dikambo sɔ lo ngɔndɔ ka Lovula na?
2 Sho kokaka ndɛkɛ onto biukubuku “Nyudjase pundju l’ongenongeno la kete!” l’ɔkɔngɔ wa mbɔtwɛlɔ ka hiembola. Nyende kɛnɛ kokokiso mbuta tawɛnya lohoso:
◼ “Te kɛnya ɛngɔ kɛmɔtshi kele la losango la dimɛna efula.” Tofole biukubuku Nyudjase pundju l’ongenongeno ko sho mbala odingɔ wa ntondo wa lo mbɔtwɛlɔ. Totetemale shate: “Biukubuku nyɛ kadimolaka ndo lo dimbola nɛ [tâle ɔtɛ a dui wele la diko di’osato No. 8]: ‘Bonde kavɔ onto?’ Wɛ ayɛna dia ekɔ dimɛna efula menda esato ndo mbala avɛsa woshawɔ lo biukubuku nyɛ. Wɛ mbeyaka momba nyɛ naka wɛ alanga.” Naka onto akɔ ambolongola biukubuku, towote yema ya woshasha yakimɔma ndo bonde kayilɔmbaso.
3 Ayotota naka tambokalola dia tenda onto lakalongola biukubuku “Nyudjase pundju l’ongenongeno?” Sho mbeyaka pemba la mbɔtwɛlɔ ka sawo kɛnɛ:
◼ Towɛnya osato No. 49 wa lo biukubuku Nyudjase pundju l’ongenongeno ko mombola ɔnɛ: “Ekɔ sango dia dimɛna efula, shi mɛtɛ? [Tolonge okadimwelo.] Toko biukubuku yakamakotshikɛ mbala ketshi. Te kombole dimbola diele lo lɛkɛ loyedi.” Tâle dimbola dia l’osato No. 50: “ ‘Wɛ nangaka mbidjasɛ pondjo pondjo lo paradiso ka dimɛna kengo?’ [Tôtshike akadimole.] Naka mɛtɛ wɛ kombolaka, kete lembetɛ kɛnɛ kahombayɛ sala: ‘Naka wɛ ambetawɔ, diele la yɛ ko mbeka awui efula lo kɛnɛ kata Nzambi.’ [Tâle Joani 17:3.] Layɔngɛnangɛna dia mbeka la yɛ Bible ofele. Ngande wɛnayɛ?” Towosha lushi shikaa la mɛnana.
4 Naka biukubuku “Voici, je fais toutes choses nouvelles” mbalɛkɛso onto, kete sho kokaka tatɛ la mbɛnya osato wele lo mposo yakɔ hiende ko mumbola ɔnɛ:
◼ “Oko le yɛ, otohomba salema dia nkɛtɛ k’otondo monga nganɛ?” Tolonge okadimwelo. Tɛnya akambo amɔtshi wa lânde wele l’osato wofundami lo lɛkɛ 3. Totetemale mbuta ɔnɛ: “Anto efula kanaka ɔnɛ andja hakokaki kadimɔ nganɛ. Koko le Nzambi, kokaka salema. [Tosha kɔmatɛrɛ l’odingɔ 43; ko l’ɔkɔngɔ sho ndjâla Isaya 9:6, 7.] Nzambi akalake dia mbetɛ andja w’oyoyo, paradiso ka dimɛna efula lɛnɛ ayodjasɛ anto wa lo wedja tshɛ. Dimi nangaka wɛ mbala biukubuku nyɛ. Yɔ yayokɛnya nganɛ wokokiyɛ wɛ la nkumbo kayɛ monga la nshi yayaye ya dimɛna efula l’ekimanyielo ka Nzambi.”
5 Lo diendelo dikina, sho kokaka nembetshiya, l’ekimanyielo ka biukubuku “Voici”, bonde kele ekɔ ohomba mbeya awui efula wa lo Bible. Oko ɛnyɛlɔ, sho mbeyaka nyomowɛnya paka lohoso loto ko mbuta ɔnɛ:
◼ “Mbala ketshi, lam’akamakɛnya osato ɔnɛ, taketawɔ ɔnɛ, ndo wɛ ndo dimi, sho nangaka mbidjasɛ l’andja wa dimɛna nganɛ. Koko, dia dui sɔ salema, ɛngɔ kɛmɔtshi kahombaso sala sho tshɛ kekɔ.” Tofole biukubuku “Voici” ko sho mbala odingɔ 52, kâmɛ ndo Joani 17:3. Tɔ̂tɔnganyiya kanyi yakɔ la wɛdikelo wosadiwɔ l’odingɔ 53 lo dikambo dia wetshelo w’oma lo Bible wasungana, l’ɔkɔngɔ tolembetshiya ɔnɛ Ɛmɛnyi wa Jehowa mbishaka wetshelo ɔsɔ, aha l’onto futa ndo la ngelo. Tɔlɔmbɛ onto akɔ dia sho mbɛ̂nya woho walakanyaso, l’ekimanyielo ka dibuku Ewo.
6 Naka biukubuku “Diulelu ne diayela Paradisu” mbalɛkɛso anto, kete sho kokaka mbuta nganɛ:
◼ “Lekɔ lo mboka anto efula wata ɔnɛ vɔ kombolaka nɔmbwama la lowandji lɔmɔtshi layonga la dikoka—mɛtɛ mɛtɛ—dia kandola ekakatanu wa wolo. [Tote ekakatanu watomba lo etenyi kaso ka nkɛtɛ, oko dihombo di’olimu, odiakanelo watatɛkɔnya ndo saki ka didjoyadjoya.] L’ɔkɔkɔ w’akambo asɔ, sho ndjambolaka nganɛ wayonga nshi yaso yayaye ndo ya anto walangaso. Onde wɛ fɔnyaka ɔnɛ lowandji lɔmɔtshi layokoka kandola ekakatanu ɛsɔ lushi lɔmɔtshi? [Tolonge okadimwelo.] Ondo wɛ ambosambɛka disambɛ dia Shɛso. Lâsɔ, onde wɛ akeyaka wate wonya akɔ wɛ akalɔmbaka dia lowandji lɔmɔtshi la losembwe?” Tofole biukubuku Diulelu lo lɛkɛ 3 ko sho mbala edingɔ ehende wotate. L’ɔkɔngɔ towosha biukubuku.
7 Naka takatshikɛ onto biukubuku “Diulelu ne diayela Paradisu,” kete sho kokaka ndjomɛ sawo mbala kekina ɔnkɔnɛ:
◼ “Mbala ketshi, takasawola di’ohomba wele la so wa kondja lowandji la losembwe lokoki kandola ekakatanu w’anto. Biukubuku yakamakotshikɛ yekɔ lo tshuma lohita lo Diolelo diaki Nzambi oko tshɔi yaso y’elongamelo. Anto amɔtshi ndjambolaka kɛnɛ kokoki lowandji lɔsɔ sala dia tonya oma lo pâ. Bible mɛnyaka ɔnɛ Kristo akashile mɛnya dia nde ayokoka sala kɛnɛ kahekɔ mandji y’anto.” Tofole biukubuku Diulelu lo lɛkɛ 29 ko sho mbala edingɔ ɛnɛi wa komelo. Tokotsha shate: “Shi ekɔ nshi yayaye ya dimɛna efula? Tolonge okadimwelo ande. Onde wɛ nangaka monga la nshi yayaye ya ngasɔ?” Tâle Joani 17:3. Tokeketsha onto akɔ dia nde nyomeya awui efula l’ekimanyielo ka wekelo wa Bible la ngelo.
8 Naka tekɔ lo mɛnyanya tobukubuku tokina, kete sho kokaka mbokoya toho tɛnyami tongo dia nɔngɔsɔla mbɔtwɛlɔ y’asawo yaso shâmɛ. L’etena kasungana, tolembetshiya ɔtɛkɛtshi aso lo hiembola bonde kowoshaso biukubuku yakɔ lengɔnya la yema ya woshasha ya tshitshɛ. Toyalɔngɔsɔlɛ dimɛna efula ndo tɔlɔmbɛ Jehowa ɔtshɔkɔ ande lam’atatahandjola lokumu l’ɔlɔlɔ la Diolelo.