Tosha Anto wa Nɔnga Tshɛ Dibuku Ɔngɛnɔngɛnɔ wa lo Nkumbo
1 Dikɛnda dimɔtshi dia pami di’ɛnɔnyi 11 di’Ose Californie akate ɔngɛnɔngɛnɔ wele lande dia kondja dibuku Sheke y’Ɔngɛnɔngɛnɔ wa lo Nkumbo. Nde akafunde ate: “Lekɔ l’ɔngɛnɔngɛnɔ hakoke dia dikondja ndo lambokeketsha nkumbo nkina dia vɔ diadja nɛ dia diekɔ dimɛna efula. Diɔ diekɔ lo kimanyiya ndo nkumbo kaso dia sho monga la wɔladi ndo ɔngɛnɔngɛnɔ.” Awui asɔ wakate yana shɔ pombaka totshutshuya dia mbisha anto wa nɔnga tshɛ dibuku Ɔngɛnɔngɛnɔ wa lo Nkumbo. Hɛnyi yema ya tokanyi tokokiso pemba l’esambishelo lo Ngɔndɔ ka Hende kɛnɛ:
2 Lam’ahomanɛ l’ɔlɔngɔlɔngɔ kana osekaseka wɛ mbeyaka mbuta wate:
◼ “Akɛnda efula wele oko wɛ wekɔ lo kanyiya dikambo dia diwala. Ko lende okokiso kondja alako w’amɛna lo dikambo sɔ na? [Tshikande akadimule.] Mbala efula, akɛnda mbutaka ɔnɛ watayashikikɛ mɛtɛ kana wambokoka tshukana. Ohenda kɛnɛ kata dibuku nɛ lo dikambo sɔ.” Fola dibuku Ɔngɛnɔngɛnɔ wa lo Nkumbo lo lɛkɛ 14 ko wɛ mbadia odingɔ 3. L’ɔkɔngɔ, ɛnyande ɛtɛ w’awui wahɔnyi tshɛ wele lo tshapita yakɔ. Shande dibuku ko wɛ mbôlaka dia ndjowenda nto.
3 Naka ombutshi mbasawola la yɛ, kete wɛ koka mbuta ɔnɛ:
◼ “Tekɔ lo sawola l’ambutshi alako amɔtshi w’eshika wakimanyiya mɛtɛ lo wodielo w’ana. Alako akɔ fundama tshɛ lo dibuku nɛ: Sheke y’Ɔngɛnɔngɛnɔ wa lo Nkumbo.” Fola lo lɛkɛ 55. Adia odingɔ 10, ko ndjadia Euhwelu k’Elembe 6:6, 7 l’odingɔ 11. L’ɔkɔngɔ, ko wɛ ndjadia wetelo tshɛ wofundami l’alɛta wa lolasha l’odingɔ 12 polo 16. Tetemala la mbuta ɔnɛ: “Dibuku nɛ diambokimanyiya anto efula dia vɔ monga ambutshi w’ɔlɔlɔ efula. Naka wɛ nangaka diadja, kete dimi kotshikɛdiɔ.”
4 Naka osombe w’onto mbatɛkɛta la yɛ, wɛ mbeyaka mbuta wate:
◼ “Onganɛ mbadia yema y’awui wotshiwɔ lanɛ kele ombute kanyi yayɛ.” Fola dibuku Ɔngɛnɔngɛnɔ wa lo Nkumbo lo lɛkɛ 169 ko wɛ mbadia wetelo ehende w’oma l’etatelo k’odingɔ 17. L’ɔkɔngɔ ko wɛ mbotshika dia nde tɛkɛta. Lo ndjela okadimwelo ande, wɛ mbeyaka mbadia awui akina oma lo dibuku ko wɛ ndjowoshadiɔ.
5 Etena katshwɛ dia tembola wanɛ wakalongola dibuku Ɔngɛnɔngɛnɔ wa lo Nkumbo, onga la kanyi ya totatɛ mbeka la wɔ Bible. Ondo ayosungana nyu tatɛ la wekelo 8 lo biukubuku Katɔlɔmba kana la tshapita 15 ya dibuku Ewo. L’etena kakɔ kâmɛ, nyɛsɔ totshe tshɛ dia kimanyiya anto wa nɔnga tshɛ dia vɔ monga la lɔsɛnɔ la nkumbo l’ɔngɛnɔngɛnɔ l’Akristo.