Onde Wɛ Ekɔ la Kɔmandɛ ka Shikaa ka Periodikɛ?

¹ Onde wɛ ambotshɔka lushi lɔmɔtshi lo losanganya l’otsha l’olimu wa sambisha ko wɛ tɛ̂na dia wɛ ndoko la periodikɛ lo tapa diayɛ? Lâsɔ, ngande wakokaso mbewɔ dikambo sɔ ndo kamba dimɛna efula la periodikɛ yaso na? Vɔ tokeketshaka dia monga la kɔmandɛ ka shikaa ka periodikɛ. Tosha ɔnangɛso lakamba lo periodikɛ kɔmandɛ kakoka la so dia sho kondjaka lofulo lɔmɔtshi la periodikɛ. Lo yoho shɔ mbayotokoka, ndo sho ndo nkumbo kaso, monga la lofulo lakoka la periodikɛ.

² Lande na kahayakimɔ kɔmandɛ ka shikaa ka periodikɛ na? Wɛ ayoka dia wɛ ekɔ l’ɔkɛndɛ a woke wa kahanya periodikɛ lomingu la lomingu, ndo wɛ ayonga l’ɔngɛnɔngɛnɔ w’efula l’olimu ɔsɔ. Naka wɛ amboshilaka monga la kɔmandɛ ka shikaa ka periodikɛ, kete nyomenda kana wɛ ekɔ lo nongola lofulo lahombayɛ l’olimu wa ngɔndɔ k’otondo. Eelo mɛtɛ, sho nangaka monga la kɔlamelo lo mbɔsaka kɔmandɛ yaso lomingu tshɛ ndo sho pombaka mboka dia tekɔ l’ɔkɛndɛ wa ntsha ɔsɔku. Naka wɛ ayanga tokângana l’etshumanelo yema, kete ewoya okambi wa lo periodikɛ dia wɛ nangaka nde mbishaka onto okina periodikɛ yayɛ edja ndo lam’ayoyokalola.

³ Sho kokaka nto sɔna lushi lɔmɔtshi dia takahanyaka periodikɛ. Onde wɛ sukɛka Lushi la Periodikɛ lomingu la lomingu? Oko wɛnyamidiɔ lo Calendrier des Témoins de Jéhovah 1999, Lushi la Samalo tshɛ la l’ɔnɔnyi mbakasɔnama! Aha wɛ mɔnyɔla ohomba w’olimu wa kahanya Tshoto y’Etangelo la Réveillez-vous ! Vɔ wekɔ olimu w’ohomba efula. Lam’ayatshutshuyaso dia kamba efula l’olimu wa takahanyaka periodikɛ, tekɔ lo tɛ̂mbɛ asekaso anto ‘lokumu l’ɔlɔlɔ la dui dimɔtshi dioleki ɔlɔlɔ.’​—⁠Is. 52:⁠7.