“Onde dimi pombaka monɔ?”

¹ Dia kitanyiya didjango diaki Yeso dia ‘ntshɔ . . . ndo mbetɛ anto wa lo wedja tshɛ ambeki,’ ekambi efula wa Jehowa wakonɔ dia tokamba l’ahole wele ohomba w’ekambi wekɔ efula. (Mat. 28:19) Vɔ wekɔ lo mbokoya Paulo, ɔnɛ laketawɔ leeta l’ɔnɛ: “Yaka la Makedoniya, oyotokimanyia.’’ (Etsha 16:⁠9) Ngande wakokaso sala dui sɔ lo yoho yɛnama na?

² Tatotshɔke lowango lowango: Onde ekɔ ahole amɔtshi wahâtaleke kindjakindjama lo etshi ka nkɛtɛ k’etshumanelo kanyu? Naka ekɔ ngasɔ, kete wɛ koka mbidja weolo tshɛ dia kamba lo ahole asɔ. La ntondo ka wɛ ndjɔsa yɛdikɔ ya monɔ otsha lo dihole diakɔna tshɛ, sunganaka dia wɛ tokosawola la dikumanyi dia vɔ menda kana wɛ ekɔ la tshɛ kahombama dia wɛ monɔ dia tokamba lo dihole dikina. Wɛ kokaka nto mimbola omendji w’otshimbedi kana nde mbeyaka etshumanelo kele suke la yɛ lɛnɛ akokayɛ tofudia olimu wakiyɛ w’esambishelo. Lo wedi okina, l’ɔkɔngɔ wa wɛ kanyiya dimɛna dimɛna kɛnɛ kahombama, wɛ mbeyaka kombola tosha lonya lo lɛkɛ lokina la lo wodja anyu kana lo wodja okina. Naka kɛsɔ mbakombolayɛ, kete wɛ la olui wa dikumanyi pombaka fundɛ filialɛ mukanda lo kɛnɛ kendana la lɛkɛ lakombolayɛ tokamba, lo nembetshiya ɛkɛndɛ wa lo teokrasi wele layɛ. Ayonga dui dia tshundju naka wɛ tokotatshwe ntondo dia tembola dihole diakɔ la ntondo ka wɛ ndjɔsa yɛdikɔ ya monɔ pondjo kana bu.

³ Onga la yewo lo kɛnɛ kendana la wonwelo: Lofulo la woke l’anangɛso wekɔ lo monɔ otsha lo wedja ekina dia toyanga lɔsɛnɔ la dimɛna kana tokotshungɔ yema oma l’asui. Etena kakɔ kâmɛ, amɔtshi tɔkɔka l’anya w’ase akadikadi wawalaka di’ɔnɛ wayowakimanyiya dia vɔ mbidjasɛ dimɛna lo wodja w’oyoyo ko tete le oyango awɔ ele mbamanɛ falanga kayi, ko l’ɔkɔngɔ diko vɔ ndjâkalɛ kana ndjâlawɔ. Tena dimɔtshi anto asɔ tokomaka lo tshutshuya wanɛ wonɔ dia vɔ ndjâkimɔ lo yoho mɔtshi ya lɔsɛnɔ ya kɔlɔ. Naka vɔ wambotona, kete vɔ la wɔ vate sho tambokolɔ onongo anyu aya nyamɛ nsɔnga sala ndo ndjâkokɛ oma lo wâle akɔna tshɛ. Oma lasɔ anto wakonɔ tongaka la lɔsɛnɔ la wolo oleki ndo lɔnɛ laki lawɔ lo wodja wakiwɔ hita. Vɔ tokomaka ndo lo nɔmba anangɛso wa lɛnɛ onwewɔ luudu la mbidjasɛ kana ekimanyielo, vɔ tahɛ̂ka nkumbo kina y’Akristo yele vɔamɛ wekɔ lo ndɔshanya l’ekakatanu awɔ hita wotsho lâdiko wa tshuka. L’ɔkɔkɔ wa wonwelo wa ngasɔ waha la ndjalɔngɔsɔla dimɛna, tokomaka ko ase nkumbo amɔtshi wambokakitɔna, aya ɔnɛ lɛnɛ, ɔnɛ lɛnɛ ndo lonyuma lakiwɔ ndjokitakitaka.​—⁠1 Tim. 6:​8-11.

⁴ Naka wɛ nangaka monɔ l’eyango wakiyɛ wɛmamɛ, kete eyaka dia ndoko dihole diayoyotshɔ diele bu ekakatanu. Wɛ kokaka kandola ekakatanu esadi eto lo dihole diamboyotashilaka mbeya ɔtɛkɛta watɛkɛtawɔ ndo yoho ya lɔsɛnɔ yasɛnawɔ, oleki tomɛ mbeka ɔtɛkɛta w’oyoyo lo dihole diele wɛ atekesanɛ la diɔ, nɛ dia vɔ mbutaka ɔnɛ ɔna mpele l’oswe wodinde.