Ekadimwelo Lo Wembola Anyu

◼ Naa tɔndɔ diendana l’ɔlɔtɔ ndo la yoho ya nɔngɔsɔla demba diahombaso ndjela etena katshɔso dia tenda Bɛtɛlɛ?

Lam’atshɔso dia tenda Bɛtɛlɛ oyadi l’oyango wa tenda woho wakambema olimu lɛkɔ kana dia tembola ose Bɛtɛlɛ ɔmɔtshi, “ɔlɔtɔ aso, ɔlɔngɔswɛlɔ aso wa demba ndo lɔkɛwɔ laso pombaka monga woho akɔ wamɛ la woho watotɔtɔka lo nsanganya ya lo Mbalasa ka Diolelo.” (om 131) Koko, akɛnama dia etena katshɔwɔ dia tenda Bɛtɛlɛ, anangɛso ndo akadiyɛso amɔtshi mongaka l’ɛlɔtɔ wahasungana kânga yema. Kema dimɛna ndjalɔtsha lo yoho ya ngasɔ etena katshɔso dia tenda Bɛtɛlɛ. Lo kɛnɛ kendana l’ɛnamelo kaso, sho pombaka mbisha ɛnyɛlɔ, mbut’ate ndɔta dimɛna ndo la kiɔmba, monga pudipudi ndo ndjasha nɛmɔ diasungana monga l’ekambi waki Jehowa Nzambi.​—⁠1 Tim. 2:​9, 10.

Dikambo sɔ diekɔ ohomba djekoleko lam’atshɔso dia tenda Bɛtɛlɛ, nɛ dia dihole sɔ kotolaka yambalo y’anto efula watenda wele kema Ɛmɛnyi wa Jehowa. Wanɛ watenda asɔ mbeyaka monga la lokanyi lɔmɔtshi lo dikambo di’ekambi waki Nzambi ndo di’ɔlɔngɔswamelo ande oma lo kɛnɛ kɛnawɔ. Ayonga dimɛna tatɛkɛtshi l’ambeki wa Bible ndo l’anto akina walanga tshɔ dia tenda Bɛtɛlɛ dia mbaohola ohomba wa monga l’ɔlɔtɔ wa dimɛna ndo nɔngɔsɔla demba lo yoho yasungana. Nkumbo ka Bɛtɛlɛ wayonyɔngɛnangɛna naka nyu sala dikambo sɔ.

Oko weso ekambi w’Akristo, sho pombaka menda ɔlɔlɔ di’aha ɛnamelo kaso monga otakanya le anto akina. (2 Kor. 6:​3, 4) Ɔnkɔnɛ, lo nɔngɔsɔla ɛnamelo kaso dimɛna, nyɛsɔ ‘tɔlɛngake nshi tshɛ wetshelo w’Ombitshi aso, Nzambi, l’awui tshɛ.’​—⁠Tito 2:⁠10.