Towaênde Aha la Tshimbatshimba

Tenda waa na? Wanɛ watɔlɔmbaka dia mbatshikɛka periodikɛ mbala la mbala kana wanɛ walɔmba di’Ɔmɛnyi ɔmɔtshi ntshɔ towaenda lo ngelo yawɔ. Waa na asɔ walɔmba diangɔ sɔ na? Wanɛ wakafundɛ biro ka filialɛ mukanda l’anya, wakasawola la biro lo telefɔnɛ kana wakafundɛ biro l’Ɛtɛrnɛtɛ. Lam’ɛnyama nsaki ka ngasɔ, filialɛ mbewoyaka etshumanelo kele l’ɛtshi ka nkɛtɛ kele onto ɔsɔ oma l’ekimanyielo ka fɔrmilɛrɛ S-70, kele l’ɔtɛ a dui ɔnɛ: “Nyɔlɔngɔsɔlɛ di’Opandjudi Ɔmɔtshi wa Manamana Tenda Onto Ɔnɛ.” Lam’alongola dikumanyi fɔrmilɛrɛ ka S-70, vɔ kishaka aha la tshimbatshimba opandjudi wayosala la wolo tshɛ dia kimanyiya onto ɔsɔ lakɛnya nsaki. Naka opandjudi ekɔ l’okakatanu dia tana onto ɔsɔ lakande, nde mbeyaka pemba mbelɛ lo telefɔnɛ kana mbotshikɛ kiatshikiatshi mɔtshi lo dihole diahakoke ambetshetshi mɛna. Naka wambokɔlɔmba dia sala wendelo wa ngasɔ, dja welo dia tembola onto ɔsɔ aha la tshimbatshimba.