Ovuswelo wa losanganya la lânde la lushi ɔtɔi

Tayokamba l’awui anɛ dia teyi yema la ntondo kɛnɛ kayotama lo losanganya la lânde la lushi ɔtɔi l’ɔnɔnyi w’olimu 2005 ndo l’ovuswelo wendana l’awui akɔ. Sawo diata ɔnɛ: “Yɛdikɔ y’Oyoyo Yendana l’Ovuswelo w’Awui Wakatama lo Nsanganya ya Weke,” diatanema lo lɛkɛ 4 la dikatshi di’okotsha nɛ, nembetshiyaka woho wayosalemaka ovuswelo ɔsɔ. L’etena kasalema ovuswelo, kahanya minitɛ dimɛna dia wembola tshɛ mimbɔma. Ovuswelo pombaka mɛnya woho wakokaso kamba olimu l’awui wakatetshama.

ETENYI KA LA PINDJU

1. Lande na kele ekɔ ohomba efula sho pokamɛ Jehowa? Kakɔna kalembetshiya pokamɛ? (“Lande na Kahombaso Pokamɛ Dui dia Jehowa”)

2. Ngande wakoka nkumbo tetemala monga l’ekongelo k’ɔlɔlɔ k’akambo wa lo nyuma? (“Nkumbo Yahokamɛ Ɔtɛkɛta wa Nzambi Aha la Mbekola Yimba Lam’akina”)

3. Ngande wakakambe anto wa l’otshimbedi aso la waaso wakawakondja dia sambisha lo tshakitudi? (“Tosalake Akambo Tshɛ dia Lotombo la Nzambi”)

4. Naa wetshelo wakokaso kondja oma l’ɛnyɛlɔ kasha ɔhɛmwɛlɔ kele lo Heberu tshapita 3 ndo 4? Ngande watɛkɛta Jehowa la so ɛlɔ kɛnɛ? (“Tayoyakokɛ Naka Sho Pokamɛ Etena Katɛkɛta Nzambi”)

5. Ngande wakayakondja wahɔ oma lo dako dia batismu? (“Ndjakimɔ ndo Batismu”)

ETENYI KA L’ƆKƆNGƆ A MIDI

6. Kakɔna kekaso lo kɛnɛ kendana la Yeso lam’akinde dikɛnda, ndo ngande wakoka akɛnda wa l’otshimbedi aso mbokoya ɛnyɛlɔ kande? (“Pokamɛ Ɔtɛkɛta wa Nzambi la Yambalo Tshɛ Keketshaka Ɛlɔngɔlɔngɔ l’Esekaseka Aso”)

7. Naa toho tɔmɔtshi takoka ambutshi mbetsha ana w’ashashi ndo w’akɛnda mboka ya Jehowa? (“Ana Wahokamɛ Nzambi ndo Weka”)

8. Naa akambo amɔtshi wa shika wele ekɔ ohomba sho mbidja yambalo le Jehowa, le Ɔnande ndo le ‘ɔhɔmbɔ wa kɔlamelo ndo wa kɛsɔ’? (Mat. 24:45) Lande na kele ekɔ ohomba sho sala ngasɔ? (“Totetemale Mbidja Yambalo lo Wetshelo wa Nzambi”)