Vidɛo yele la losango lele nshi tshɛ ohomba

Naa losango l’ohomba efula lele lo vidɛo yele la ɔtɛ a dui ɔnɛ David: il mettait sa confiance en Dieu ? Ekɔ losango latotɛ dia sho pombaka ndjaɛkɛ le Jehowa oko wakasale Davidi. (Osam. 91:⁠2) Sɛdingola akambo wa weke wa lo lɔsɛnɔ laki Davidi ayokimanyiya ana w’akɛnda ndo epalanga dia kondja wetshelo oma lo ɛnyɛlɔ kakandatshike. (Osam. 31:14) Dia sho nyomoleka kondja wahɔ, DVD nɛ diekɔ la “ɛkɔnya” ndo la “Toho ta mbeka.”

Enda vidɛo nyɛ ndo yambola ɔnɛ: 1) Lande na kakasɔnɛ Jehowa nkumekanga k’ɔlɔlɔ? (1 Sam. 15:​10, 11; 16:⁠1) 2) Lande na kakinde kɔsɔna anango Davidi? (1 Sam. 16:​6, 7) 3) Lande na kakalangaka Saulo dia Davidi mbohomɛ lɔsɛsɛ? (1 Sam. 16:​14-23) 4) Ngɔliyatɛ akinde? (1 Sam. 17:​4-10) 5) Lande na kakalange Davidi ndɔ la Ngɔliyatɛ? (1 Sam. 17:​23, 24, 36, 37) 6) Jɔnatana akinde? (1 Sam. 14:⁠1) 7) Lo etena kakɔna kakakome Saulo otunyi woleki tshɛ waki Davidi? (1 Sam. 18:​25-29) 8) Lande na kaki Davidi kondjaka Saulo? (1 Sam. 26:​7-11) 9) Ngande wakavu Saulo? (1 Sam. 31:​1-6) 10) Kakɔna kakasale Davidi etena kakavu Jɔnatana? (2 Sam. 1:​11, 12) 11) Daka diakɔna diakasha Jehowa Davidi? (2 Sam. 7:​12, 13, 16) 12) Munga kakɔna ka woke kakasale Davidi? (2 Sam. 11:​1-5, 14-17) 13) Ngande wakɛnya Davidi dia nde akanyange efula l’ɔtɛ wa kɛnɛ kakandasale? (Osam. 51) 14) Wetshelo akɔna waketsha Davidi Sɔlɔmɔna ka ɔnande? (1 Khum. 2:​1-4; 1 Ek. 22:​6-13; 28:​9, 10) 15) Ngande wayokondja Davidi, Jɔnatana ndo wɛmamɛ wahɔ oma lo ɛlɔmbwɛlɔ kaki Yeso?​—⁠Is. 11:​6-9; Joa. 11:​25, 26.

Kakianɛ, ohokanyiya yema: Ngande wakokɛ monga la wɛkamu le Nzambi lo ɛnyɛlɔ kaki Davidi?

Ambutshi, nyɔkɔkɔmiya ananyu ohomba wa ndjaɛkɛka le Nzambi oko wakasale Davidi.​—⁠Osam. 56:11.