Onde wɛ ekɔ lo kamba la akatshi wa leeta?

Lushi lɔmɔtshi, ɔna dikɛnda ɔmɔtshi la pami laki la ɛnɔnyi 11 akatɔngɔna dikatshi dimɔtshi dia leeta diakelɛka anto dia tohokamɛ sawo dimɔtshi dia lo sɛkɛ diakendanaka la ifɛrnɔ. Nde akayolembetshiyaka l’ɔkɔngɔ ate: “Dikambo sɔ diakakotola yambalo yami efula, nɛ dia lakasalaka akambo w’enginya ko lakokaka wɔma efula dia ntshɔ lo ifɛrnɔ etena kayomovɔ.” Nde akatohokamɛ sawo sɔ ndo l’ɔkɔngɔ wa nde mbeka Bible mbala efula nde akabatizama. Ɔsɔku mbakamɛ olimu w’Okristo w’otale efula waki Karl Klein, lakayokambaka l’ɔkɔngɔ oko ɔmɔtshi la l’atei wa Olui-walɔmbɔla wa Ɛmɛnyi wa Jehowa. Kɛsɔ tshɛ akatatɛ paka la dikatshi dia leeta.

Akatshi wa leeta wekɔ lo tetemala monga dihomɔ diatondja etombelo w’ɔlɔlɔ efula ɛlɔ kɛnɛ. Apandjudi efula wakɛnyi dia mbisha onto dikatshi dimɔtshi dia leeta ekɔ yoho ya dimɛna ya ndjalowola ndo ya tatɛ asawo. Ambutshi kokaka kimanyiya anawɔ dia vɔ sambisha lo mbalɔmba dia vɔ mbisha dikatshi dimɔtshi dia leeta lo soko dimɔtshi. Apandjudi wasambisha lo mikanda kokaka mbewoya wenya wasalema nsanganya lo mbidjɛ onto dikatshi dia leeta. Lo mɛtɛ, akatshi wa leeta wekɔ yoho ya dimɛna ya mbelɛ ambeki wa Bible ndo anto akina wayasha dia vɔ ndja lo nsanganya yaso.

Onde wɛ ekɔ lo kamba la akatshi wa leeta dimɛna lo olimu ayɛ?