Woho wa mbisha anto periodikɛ

Tshoto y’Etangelo Ngɔ. ka 1, 15

“Lo ɛnɔnyi weke ka mbeta ɛnɛ, anto wamboleka mbidja yimba lo dikambo dia andjelo. Onde wɛ amboyambolaka dia mbeya êwɔ ndo woho akɔna wongawɔ la shɛngiya lo nsɛnɔ yaso? [Tshikande akadimole. Oma lâsɔ, adia Osambu 34:⁠7.] Periodikɛ kɛnɛ mɛnyaka kɛnɛ kata Bible lo kɛnɛ kendana la olimu wakasale andjelo lo nshi yakete, wasalawɔ nshi nyɛ ndo wayowosala lo nshi yayaye.”

Réveillez-vous! Ngɔ. ka 1

“Alako mbishamaka nshi nyɛ lo oseka dikambo tshɛ. Alako angana wafɔnyayɛ wakokaso mbɛkɛ otema lɔkɔ? [Tshikande akadimole. Oma lâsɔ, adia 2 Timote 3:16.] Numɛlɔ kɛnɛ ka Réveillez-vous! mɛnyaka ɔkɔkɔ wakokaso nongamɛ le Bible oko kiɔkɔ ya lomba la dimɛna.” Ɛnyande sawo diatatɛ lo lɛkɛ 18.

Tshoto y’Etangelo Ngɔ. ka 2, 1

“Sho tshɛ tekɔ l’ohomba wa falanga dia nsɛna. Koko onde wɛ hetawɔ dia ekɔ ohomba efula ndjalama lo wâle wɔtɛkɛtami lanɛ? [Adia 1 Timote 6:​10, ndo tshikande akadimole.] Numɛlɔ kɛnɛ ka Tshoto y’Etangelo tokimanyiyaka dia sho mbeya wâle ɛmɔtshi wa monga l’ɔngɔnyi wa l’emunyi ndo tɔ mɛnyaka woho wa mbewɔ wâle akɔ.”

Réveillez-vous! Ngɔ. ka 2

“Efula l’atei aso wele l’ewotɔ ndo l’angɛnyi waya esombe ndjambolaka woho wakokaso mbakimanyiya dia vɔ ndɔshana la ekakatanu wendana la lotshundu. Shi ngasɔ mbediɔ? [Tshikande akadimole.] Periodikɛ kɛnɛ mɛnyaka awui wakokaso sala dia ndeka mbikikɛ ekakatanu wa lotshundu. Tɔ mɛnyaka nto woho wayokotshama prɔfɛsiya kɛnɛ.” Adia Jobo 33:⁠25.