Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 1, 15

MBEWOYAKA DIOLELO DIAKI JEHOWA

“Lam’ele nshi nyɛ anto hawokotsha alaka awɔ, anto efula wɛnaka wolo ndjaɛkɛ le onto ɔmɔtshi. Onde wɛ fɔnyaka dia ekɔ onto ɔmɔtshi lakokaso mbɛkɛ otema l’alaka ande? [Tshikande akadimole. L’ɔkɔngɔ adia Jashua 23:14.] Periodikɛ kɛnɛ mɛnyaka woho wakokaso mbɛkɛ etema aso l’alaka waki Nzambi wa lo Bible.”

Réveillez-vous! Ngɔ. ka 1, 22

“Nganɛ mbakafundamaka lokombo laki Nzambi l’ɔtɛkɛta wa Hɛbɛru. [Ɛnyande lohoso.] Anto amɔtshi mbɔsaka dia mɛtɛ lokombo lɔsɔ hakoke pondjo tɛkɛtama la dui dia wolo. Akina kambaka la lɔ aha la mengenga. Réveillez-vous! ɔnɛ tɛkɛtaka awui wendana la tokanyi tahɔtɔnɛ tɔsɔ. Ndo vɔ tɛkɛtaka nto woho wakokaso mbeya Nzambi lo lokombo lande.” Adia Osambu 83:⁠18.

Tshoto y’Etangelo Ngɔ. ka 2, 1

MBEWOYAKA DIOLELO DIAKI JEHOWA

“Efula l’atei aso salaka tshɛ dia kokɛ alemba aso. Koko, alapɔlɔ w’oma lo wekelo wêke kasalema mɛnyaka dia lonyuma laso lekɔ nto la shɛngiya lo yonge yaso ya demba. Onde wɛ fɔnyaka dia dui sɔ koka ntshama? [Tshikande akadimole. L’ɔkɔngɔ adia Mateu 5:⁠3.] Tshoto y’Etangelo nyɛ mɛnyaka woho wakokaso kotsha ehomba aso wa lo nyuma.”

Réveillez-vous! Ngɔ. ka 2, 8

“Anto efula ɛlɔ kɛnɛ wekɔ l’awui efula wa sala ndo wekɔ l’ohomba wa mumuya efula. Ondo wɛ ayetawɔ ɛtɛkɛta ɛsɔ wakafundama ambeta ɛnɔnyi ndekana 3000. [Adia Undaki 4:⁠6. L’ɔkɔngɔ tshikande akadimole.] Réveillez-vous! ɔnɛ mɛnyaka awui w’ohomba wendana la woho wa mbeya ndo wa shidiya okakatanu wendana la djɔ.”