Woho wa mbisha anto periodikɛ

Tshoto y’Etangelo Ngɔ. ka 1, 15

“Lende afɔnyayɛ akoka atshukanyi tana alako w’eshika? [Tshikande akadimole.] Tende ɔnɛ lele kiɔkɔ ya diwala. [Adia Etatelu 2:22.] Nzambi akasha ndo alako lo kɛnɛ kendana la ɔkɛndɛ wa nɛmɔ wele la wadi la omi. Periodikɛ kɛnɛ nembetshiyaka dikambo sɔ.”

Réveillez-vous! Ngɔ. ka 1

“Onde wɛ mɛnaka dia Akristo efula wa l’ɛlɔmɔ hawoyele wetshelo waki Yeso? [Tshikande akadimole.] Ɛnyɛlɔ, efula kawɔ hawoyele ɛtɛkɛta waki Yeso ɛnɛ. [Adia Joani 13:35.] Sawo nɛ mɛnyaka otshikitanu wele lam’asa kɛnɛ kaketsha Yeso la tokanyi ta Akristo efula wa l’ɛlɔmɔ.” Tɛkɛta dia sawo diotate lo lɛkɛ 18.

Tshoto y’Etangelo Ngɔ. ka 2, 1

“Onde wɛ fɔnyaka dia tshunda di’anto diayoleka monga dimɛna naka onto tshɛ kamba la ɛtɛkɛta ɛnɛ? [Adia Efeso 4:25. Oma lâsɔ, tshikande akadimole.] Anto efula fɔnyaka dia mbuta kashi kema kɔlɔ lo tena dimɔtshi. Periodikɛ kɛnɛ nembetshiyaka ɛlɔlɔ wakondja anto wata mɛtɛ keto nshi tshɛ.”

Réveillez-vous! Ngɔ. ka 2

“Mɛnamaka dia dionga diele la anto lo kɛnɛ kendana la ɔtɛmwɛlɔ diekɔ lo tatshikitana lo ahole amɔtshi. Onde wɛ fɔnyaka dia ɔtɛmwɛlɔ waya bu la shɛngiya yaki lawɔ ntondo? [Tshikande akadimole.] Ɛtɛkɛta ɛnɛ waki ɔpɔstɔlɔ Paulo mbishaka ɔkɔkɔ ɔmɔtshi wamboshisha anto wɛkamu awɔ le ɔtɛmwɛlɔ. [Adia Etsha 20:29, 30.] Periodikɛ kɛnɛ mɛnyaka kɛnɛ kata Bible lo dikambo dia nshi yayaye ya Lokristo.”